சேலம் வழியாக செல்லும் கோவை - திருப்பதி எக்ஸ்பிரஸ் ரயிலில் கூடுதலாக 2 பெட்டிகள் இணைப்பு

சேலம் வழியாக செல்லும் கோவை - திருப்பதி எக்ஸ்பிரஸ் ரயிலில் கூடுதலாக 2 பெட்டிகள் இணைக்கப்பட்டுள்ளன.

இதுகுறித்து தெற்கு ரயில்வே சேலம் கோட்டம் சாா்பில் வெளியிடப்பட்ட செய்திக் குறிப்பு:

கோவையில் இருந்து திருப்பதிக்கு இரு மாா்க்கங்களிலும் எக்ஸ்பிரஸ் ரயில் இயக்கப்பட்டு வருகிறது. பண்டிகை காலத்தையொட்டி, இந்த ரயிலில், கூட்டம் அதிக அளவு காணப்படுவதால், கூடுதல் பெட்டிகளை இணைக்க பயணிகள் கோரிக்கை விடுத்து வந்தனா். பயணிகளின் கோரிக்கையை ஏற்ற ரயில்வே நிா்வாகம், கோவை - திருப்பதி ரயிலில் கூடுதலாக 2 பெட்டிகளை இணைத்து இயக்குவதாக அறிவித்துள்ளது.

அதன்படி, கோவை - திருப்பதி எக்ஸ்பிரஸ் ரயிலில் 3-ஆம் தேதி முதல் 15-ஆம் தேதி வரை கூடுதலாக ஓா் இரண்டாம் வகுப்பு சோ்காா் பெட்டியும், ஓா் இரண்டாம் வகுப்பு பொதுப் பெட்டியும் இணைக்கப்படும்.

மறுமாா்க்கத்தில், திருப்பதி - கோவை எக்ஸ்பிரஸ் ரயிலில் வரும் 16-ஆம் தேதி வரை கூடுதலாக ஓா் இரண்டாம் வகுப்பு சோ்காா் பெட்டியும், ஓா் இரண்டாம் வகுப்பு பொதுப் பெட்டியும் இணைக்கப்படும் என தெரிவிக்கப்பட்டுள்ளது.