எடப்பாடி அருகே காளைகள் முட்டியதில் போலீஸாா், பொதுமக்கள் படுகாயம்

எடப்பாடி: எடப்பாடி அருகே எருதாட்ட நிகழ்ச்சிக்கு போலீஸாா் தடை விதித்திருந்த நிலையில், அனுமதியின்றி திடீரென நுழைந்த காளைகள் முட்டியதில் போலீஸாா் மற்றும் பொதுமக்கள் படுகாயம் அடைந்தனா்.

எடப்பாடியை அடுத்த வேம்பனேரி பகுதியில் உள்ள அய்யனாரப்பன் கோயிலில் ஆண்டுதோறும் காணும் பொங்கலன்று எருதாட்ட நிகழ்ச்சி நடைபெறும். இந்த எருதாட்ட நிகழ்ச்சியைக் காண மாவட்டத்தின் பல்வேறு பகுதியில் இருந்து திரளான பாா்வையாளா்கள் வருவா்.

இந்நிலையில், இக்கோயிலை நிா்வாகம் செய்வது குறித்து இரு தரப்பினருக்கிடையே பிரச்னை இருந்துவந்த நிலையில், நடப்பாண்டில் எருதாட்ட நிகழ்ச்சிக்கு சம்பந்தப்பட்ட கோயில் நிா்வாகம் தரப்பில் எந்த முன் அனுமதியும் பெறவில்லையாம்.

இந்நிலையில், கொங்கணாபுரம் போலீஸாா் அப்பகுதியில் தடுப்புகளை அமைத்து எருதாட்ட நிகழ்ச்சி நடைபெறாது என சனிக்கிழமை அறிவித்திருந்தனா். வழக்கம்போல எருதாட்ட நிகழ்ச்சியை காண வந்திருந்த பாா்வையாளா்கள், எருதாட்ட நிகழ்ச்சி நடைபெறாது என அறிவிக்கப்பட்டதால் ஏமாற்றமடைந்தனா்.

அப்போது, திடிரென மாற்றுப்பாதை வழியாக அய்யனாரப்பன் கோயில் வளாகத்துக்கு அழைத்துவரப்பட்ட சில காளைகள் திடீரென சீறிப்பாய்ந்து ஓடின. இதைக் கண்டு பொதுமக்கள் மற்றும் போலீஸாா் சிதறி ஓடினா். சீறிவந்த காளைகள் தாக்கியதில் பலா் படுகாயம் அடைந்தனா். காளைகள் முட்டியதில் கொங்கணாபுரம் காவல் நிலைய உதவி ஆய்வாளா் சதீஷ்குமாா் உள்ளிட்ட சில காவலா்கள், பொதுமக்கள் படுகாயம் அடைந்தனா்.

நீண்டநேர போராட்டத்துக்கு பிறகு போலீஸாா் நிலைமையை கட்டுக்குள் கொண்டுவந்து, அங்கு அவிழ்த்து விடப்பட்ட காளைகளை அப்புறப்படுத்தினா்.