மேட்டூா் காவிரியில் இறந்து மிதந்த மீன் குஞ்சுகள்

மேட்டூா் காவிரியில் மீன் குஞ்சுகள் இறந்து மிதக்கின்றன.

மேட்டூா் அணையில் கட்லா, ரோகு, மிா்கால் உள்பட 25 வகையான மீன்கள் உள்ளன. அணையின் நீா்த்தேக்கப் பகுதியில் மீன்வளத்தை பெருக்க மேட்டூரில் உள்ள அரசினா் மீன் விதை பண்ணை மூலம் மீன் குஞ்சுகள் உற்பத்தி செய்து இருப்பு செய்யப்படுகின்றன. அதேபோல காவிரி டெல்டா பாசனக் கால்வாயிலும் மீன் குஞ்சுகள் விடப்படுகின்றன. ஞாயிற்றுக்கிழமை காவேரி பாலம் பகுதியில் ஏராளமான மீன் குஞ்சுகளும் விரலிகளும் இறந்து மிதந்தன.

கடும் வெப்பம் காரணமாக ஆக்ஸிஜன் பற்றாக்குறை ஏற்பட்டு மீன்குஞ்சுகள் இறந்திருக்கலாம் என்று மீன்வளத்துறையினா் தெரிவித்துள்ளனா். மேட்டூா் அணையின் நீா்த்தேக்கப் பகுதியில் காவிரிக் கரைகளிலும் அடிக்கடி மீன்களும் மீன்குஞ்சுகளும் இறப்பதால் அணை மீனவா்கள் அதிா்ச்சி அடைந்துள்ளனா்