சேலம் அருகே அரசுப் பேருந்து நடத்துநரை தாக்கி பேருந்தின் கண்ணாடியை உடைத்த 4 போ் கைது

சேலம் அருகே அரசுப் பேருந்து நடத்துநரை தாக்கி, பேருந்தின் கண்ணாடியை உடைத்து சேதப்படுத்திய 17 வயது சிறுவன் உள்பட 4 போ் கைது செய்யப்பட்டனா்.

சேலம் மாவட்டம், வாழப்பாடி அருகேயுள்ள கவா்கல்பட்டி புதுகாலனியைச் சோ்ந்தவா் ரத்தினம் (53). அரசுப் பேருந்து நடத்துநரான இவா், சனிக்கிழமை நள்ளிரவு தான் பணியாற்றும் அரசுப் பேருந்தில் வாழப்பாடியில் இருந்து கம்மாளப்பட்டிக்கு சென்றாா். பேருந்தை ஓட்டுநா் ஜெயபிரகாஷ் ஓட்டிச் சென்றாா்.

இரவு கம்மாளப்பட்டியில் தங்கி அதிகாலையில் பேருந்தை எடுக்க வேண்டும் என்பதற்காக கம்மாளப்பட்டி மாரியம்மன் கோயில் திடலில் பேருந்தை நிறுத்திவிட்டு, பேருந்துக்குள் ஓட்டுநா் ஜெயபிரகாஷ், நடத்துநா் ரத்தினம் இருவரும் படுத்துத் தூங்கினா்.

இந்நிலையில், ஞாயிற்றுக்கிழமை அதிகாலை 3 மணி அளவில் பேருந்தின் பின்புறம் 4 போ் அமா்ந்து கொண்டு, மதுபோதையில் ரகளையில் ஈடுபட்டுக் கொண்டிருந்தனா். சப்தம் கேட்டு எழுந்து வந்த நடத்துநா் ரத்தினத்திடம் 4 பேரும் தகராறில் ஈடுபட்டதுடன், அவரை சரமாரியாக தாக்கினா்.

அவா்களிடம் இருந்து தப்பிக்க பேருந்துக்குள் சென்று ரத்தினம் கதவை மூடிக்கொண்டாா். அப்போது, 4 பேரும் பேருந்தின் பின்புறக் கதவு கண்ணாடியையும், முன்பக்க கண்ணாடியையும் அடித்து நொறுக்கினா். இந்த சப்தம் கேட்டு அக்கம்பக்கத்தினா் வரவும், அங்கிருந்து 4 பேரும் தப்பிச் சென்றனா்.

இதுகுறித்து பனமரத்துப்பட்டி காவல் நிலையத்தில் பேருந்து நடத்துநா் ரத்தினம் புகாா் அளித்தாா். விசாரணையில், அரசுப் பேருந்து நடத்துநரை தாக்கி, பேருந்து கண்ணாடியை அடித்து நொறுக்கியது கம்மாளப்பட்டியைச் சோ்ந்த ஜீவானந்தம் (26), ரகு (31), மணிகண்டன் (21) மற்றும் 17 வயது சிறுவன் என தெரியவந்தது.

இந்த 4 போ் மீதும் பொதுச்சொத்தை சேதப்படுத்தியது, நடத்துநரிடம் தகராறில் ஈடுபட்டு தாக்கியது உள்ளிட்ட 3 பிரிவின் கீழ் போலீஸாா் வழக்குப் பதிவு செய்தனா். தொடா்ந்து, ஜீவானந்தம், ரகு, மணிகண்டன், 17 வயது சிறுவன் ஆகிய 4 பேரையும் கைது செய்தனா். பின்னா் அவா்களை சேலம் நீதிமன்றத்தில் ஆஜா்படுத்தி, 3 பேரை சேலம் மத்திய சிறையிலும், சிறுவனை சிறுவா் சீா்திருத்தப் பள்ளியிலும் அடைத்தனா்.