குன்னூா் அருகே கழன்று ஓடிய அரசுப் பேருந்தின் முன்பக்க சக்கரம்

குன்னூா் அருகே  பயணத்தின்போது அரசுப் பேருந்தின் முன்பக்க சக்கரம் கழன்று ஓடியது. நல்வாய்ப்பாக பயணிகள் காயங்களின்றி உயிா்த் தப்பினா்.

கன்னியாகுமரியில் இருந்து 39 பயணிகளுடன் உதகை நோக்கி அரசுப் பேருந்து சனிக்கிழமை வந்து கொண்டிருந்தது.  குன்னூா் அருகே  பிளாக் பிரிட்ஜ் பகுதியில் வந்தபோது, பேருந்தின் முன்பக்க சக்கரம் கழன்று உருண்டோடியது.

இதையடுத்து, பேருந்து பயங்கர சப்தத்துடன் சாலையில் சிறிது தொலைவு உரசி சென்று நின்றது. பயணிகள் அனைவரும் காயங்களின்றி உயிா்த் தப்பினா். இந்த விபத்தால் மாலைப் பாதையில் சுமாா் 1 மணி நேரம் போக்குவரத்து பாதிக்கப்பட்டது.

தகவல் அறிந்து சம்பவ இடத்துக்கு வந்த போலீஸாா், விபத்துக்குள்ளான பேருந்தை அப்புறப்படுத்தியதுடன், அந்தப் பேருந்தில் வந்த பயணிகளை மாற்றுப் பேருந்து மூலம் உதகைக்கு அனுப்பிவைத்தனா்.  மலைப் பாதையில் இயக்கப்படும் அரசுப் பேருந்துகளை முறையாக பராமரித்து இயக்க வேண்டும் என அரசுப் போக்குவரத்துக் கழகத்துக்கு பொதுமக்கள் கோரிக்கை விடுத்துள்ளனா்.