சேலம் வழியாக இயக்கப்படும் ஹைதராபாத் - மங்களூரு சிறப்பு ரயில் சேவை நவம்பா் வரை நீட்டிப்பு

சேலம் வழியாக இயக்கப்படும் ஹைதராபாத் - மங்களூரு சென்ட்ரல் இடையே வாராந்திர சிறப்பு ரயில் சேவை நீட்டிக்கப்பட்டுள்ளது.

இதுகுறித்து தெற்கு ரயில்வே சேலம் கோட்டம் சாா்பில் வெளியிட்ட செய்திக் குறிப்பு:

ரயில்களில் அதிகரித்துவரும் கூட்ட நெரிசலை கருத்தில் கொண்டு, ஹைதராபாத் - மங்களூரு சென்ட்ரல் இடையிலான வாராந்திர சிறப்பு ரயில் சேவை வரும் நவம்பா் வரை நீட்டிக்கப்பட்டுள்ளது.

அதன்படி, ஹைதராபாத் ரயில் நிலையத்தில் இருந்து மங்களூரு சென்ட்ரலுக்கு வரும் 9 ஆம் தேதி முதல் நவ. 25 ஆம் தேதி வரை புதன்கிழமைகளில் இந்த சிறப்பு ரயில் இயக்கப்படும். இந்த ரயில், ஹைதராபாதில் இருந்து புதன்கிழமைகளில் அதிகாலை 4.20 மணிக்கு புறப்பட்டு, பெகாம்பேட், ராய்ச்சூா், மந்த்ராலாயம் சாலை, ஆனந்தபூா், தா்மாவரம், பங்காருபேட்டை, குப்பம், சேலம், ஈரோடு, திருப்பூா், பாலக்காடு, தலசேரி, கண்ணூா், காசா்கோடு வழியாக மறுநாள் காலை 9.30 மணிக்கு மங்களுரு சென்ட்ரலை அடையும்.

மறுமாா்க்கத்தில், மங்களூரு சென்ட்ரல் ரயில் நிலையத்தில் ஹைதராபாத்துக்கு வரும் 10 முதல் நவ. 26 ஆம் தேதி வரை வியாழக்கிழமைகளில் சிறப்பு ரயில் இயக்கப்படும்.

இந்த ரயில், மங்களூரு சென்ட்ரலில் இருந்து வியாழக்கிழமைகளில் இரவு 8 மணிக்கு புறப்பட்டு, காசா்கோடு, கண்ணூா், கோழிக்கோடு, பாலக்காடு, போத்தனூா், திருப்பூா், ஈரோடு, சேலம், குப்பம், பங்காருபேட்டை, தா்மாவரம், ஆனந்தபூா், ராய்ச்சூா் வழியாக ஹைதராபாதுக்கு சனிக்கிழமை அதிகாலை 4 மணிக்கு சென்றடையும் என தெரிவிக்கப்பட்டுள்ளது.