சாத்தூரில் ரூ. 3.66கோடியில் சாலைகள் சீரமைப்பு

சாத்தூர், ஜன. 8: சாத்தூர் நகர் பகுதியில் ரூ. 3 கோடியே 66 லட்சம் செலவில் புதிய சாலைகள் அமைக்கப்பட்டு வருவதாக நகர்மன்றத் தலைவர் குருசாமி தெரிவித்தார்.

  இதுகுறித்து அவர் கூறுகையில், சாத்தூர் நகர் பகுதியில் சேதமடைந்த சாலைகளை  சரிசெய்து புதிய சாலைகள் அமைக்க வேண்டும் என்று நகராட்சி அரசுக்கு பரிந்துரை செய்தது. இக்கோரிக்கையை ஏற்று நகரில் தார், சிமென்ட் சாலைகள் அமைக்க சிறப்பு சாலை திட்டத்தின் கீழ் ரூ. 3 கோடியே 50 லட்சம் அரசு நிதி ஒதுக்கியுள்ளது. மழை வெள்ளச் சேதாரம் திட்டத்தின் கீழ் ரூ. 16 லட்சம் நிதி ஒதுக்கப்பட்டுள்ளது. இந்த சாலை சீரமைப்பிற்காக ஒதுக்கப்பட்டுள்ள ரூ. 3 கோடியே 66 லட்சம் நிதியில் இப்பணிகள் நடைபெற்று வருகின்றன என்றார்.