போதையில் ரகளை: ஆசிரியர் கைது

முதுகுளத்தூர், அக். 8: முதுகுளத்தூரில் ஆசிரியர் ஒருவர், குடிபோதையில் ரகளை செய்ததாக, வெள்ளிக்கிழமை கைது செய்யப்பட்டார்.

 எட்டிசேரியைச் சேர்ந்தவர் காயாம்பு மகன் வையமுத்து (35). இவர் பரமக்குடி அருகே பாம்பூர் பள்ளியில் ஆசிரியராகப் பணிபுரிகிறார். இந்நிலையில், அவர் சம்பவத்தன்று முதுகுளத்தூர்- கடலாடி சாலையில் இரவில் குடிபோதையில் தகராறு செய்தாராம். இன்ஸ்பெக்டர் சங்கர், சப்-இன்ஸ்பெக்டர் மோகன் ஆகியோர் அவரைக் கைதுசெய்தனர்.