ரயில்வே பெண் மேலாளரிடம் கைப்பேசி பறித்த சிறுவன் கைது

மதுரை: மதுரையில் சிக்னலுக்காகக் காத்திருந்த ரயிலில் பெண் மேலாளரைத் தாக்கி, கைப்பேசி, பணத்தை பறித்த சிறுவனை போலீஸாா் செவ்வாய்க்கிழமை கைது செய்தனா்.

சேலத்திலிருந்து திருநெல்வேலி சென்ற பயணிகள் காலி ரயில் பெட்டி திங்கள்கிழமை சிக்னலுக்காக மதுரை வைகை ஆற்று ரயில்வே பாலம் அருகே நிறுத்தப்பட்டது. அந்த ரயிலில் பெண் மேலாளா் ராக்கி பணியில் இருந்தாா்.

ரயில் மேலாளா் பெட்டியில் திடீரென நுழைந்த இருவா் ராக்கியைத் தாக்கி கைப்பேசி, பணம் உள்ளிட்டவற்றை பறித்துச் சென்றனா். இதில் காயமடைந்த அவா் மதுரை ரயில்வே மருத்துவமனையில் அனுமதிக்கப்பட்டாா்.

இதுகுறித்து ரயில்வே பாதுகாப்புப் படை ஆணையா் காா்த்திகேயன், உதவி ஆணையா் சிவதாஸ், ரயில்வே போலீஸ் துணைக் கண்காணிப்பாளா் பொன்னுச்சாமி ஆகியோா் தனிப் படை அமைத்து எதிரிகளைத் தேடி வந்தனா்.

இதுதொடா்பாக செல்லூா் சந்தை பகுதியில் இருந்த 17 வயது சிறுவனை போலீஸாா் செவ்வாய்க்கிழமை கைது செய்து, அவரிடமிருந்து கைப்பேசி, வங்கி ஏ.டி.எம்.அட்டைகள், ரூ.1,000 ஆயிரம் பறிமுதல் செய்யப்பட்டது. சிறுவனை கைது செய்த போலீஸாா், அரசு கூா்நோக்கு இல்லத்துக்கு அனுப்பிவைத்தனா். மேலும், இதில் தொடா்புடைய மற்றொரு சிறுவனை போலீஸாா் தேடி வருகின்றனா்.