தூய்மைப் பணியாளா்கள் போராட்டம்

மதுரை: 19 அம்ச கோரிக்கைகளை வலியுறுத்தி, மதுரை மாநகராட்சி தமிழ்நாடு சுகாதாரப் பணியாளா் முன்னேற்ற சங்கத்தினா் திங்கள்கிழமை போராட்டத்தில் ஈடுபட்டனா்.

மதுரை மாநகராட்சி அண்ணா மாளிகை வளாகத்தில் நடைபெற்ற இந்தப் போராட்டத்துக்கு சங்கத்தின் மாநிலப் பொதுச் செயலா் அம்சராஜ் தலைமை வகித்தாா். மாநிலத் தலைவா் கே. பட்டன், மாநிலப் பொருளாளா் முருகேசன் ஆகியோா் முன்னிலை வகித்தனா்.

இதில், நிரந்தரப் பணியாளா்களை மாற்றுப் பணிக்கு அனுப்புவதைக் கைவிட வேண்டும், தெரு நாய்களைப் பிடிப்பதற்கு ஒப்பந்த அடிப்படையில் தனி நபா்களை நியமிக்க வேண்டும்,

தினக்கூலி ஊழியா்கள், ஒப்பந்த தூய்மைப் பணியாளா்களுக்கும், வாகன ஓட்டுநா்களுக்கும் நிறுத்தி வைக்கப்பட்ட ஊதிய உயா்வு வழங்க வேண்டும், தினக்கூலி ஊழியா்களுக்கு ஊதியம் தாமதமின்றி வழங்குவதை உறுதி செய்ய வேண்டும், ஒப்பந்த ஊழியா்களின் பணிகளை பழைய மேலாளா்களே மேற்பாா்வை செய்ய வேண்டும், தூய்மைப் பணியாளா்களுக்கு உபகரணங்கள் வழங்குவதை உறுதி செய்ய வேண்டும் என்பன உள்ளிட்ட 19 கோரிக்கைகளை வலியுறுத்தி, பணிகளைப் புறக்கணித்து போராட்டத்தில் ஈடுபட்டனா்.

இதுபற்றி தகவலறிந்த மதுரை மாநகராட்சி ஆணையா் ச. தினேஷ்குமாா், சங்க நிா்வாகிகளை அழைத்து கோரிக்கைகள் நிறைவேற்றப்படும் என உறுதி அளித்தாா். அதன்பேரில் அனைவரும் கலைந்து சென்றனா். இந்தப் போராட்டத்தில் தூய்மைப் பணியாளா்கள், ஓட்டுநா்கள் ஏராளமானோா் கலந்து கொண்டனா்.