ஆட்டோ மோதி மாணவர் சாவு

வத்தலகுண்டு புதுப்பட்டியைச் சேர்ந்தவர் அம்பிராஜ். இவர் திண்டுக்கல் மாவட்ட ஆட்சியர் அலுவலகத்தில் உள்ள செய்தி மற்றும் மக்கள் தொடர்பு அதிகாரி அலுவலகத்தில் பணிபுரிந்து வருகிறார். இவரது மகன் முத்துமணி (18). பிளஸ் 2 படித்து வந்தார். இவரும், இவரது நண்பர் வத்தலகுண்டு காந்திநகரை சேர்ந்த தினேஷும் பைக்கில் ஞாயிற்றுக்கிழமை மாலை சேவுகம்பட்டி அருகேயுள்ள நாகம்மாள் கோயிலுக்கு சென்று கொண்டிருந்தனர்.

சேவுகம்பட்டி பிரிவு அருகே சென்ற போது எதிரே தோப்புப்பட்டியைச் சேர்ந்த சங்கர் மகன் சரவணன் வந்த ஆட்டோ பைக் மீது மோதியது. இதில் படுகாயமடைந்த முத்துமணி சிகிச்சைக்காக மதுரை அரசு மருத்துவமனைக்கு கொண்டு செல்லும் போது வழியிலேயே உயிரிழந்தார். தினேஷ் வத்தலகுண்டு தனியார் மருத்துவமனையில் சிகிச்சை பெற்று வருகிறார்.

இதுகுறித்து பட்டிவீரன்பட்டி இன்ஸ்பெக்டர் கருப்புசாமி வழக்குப் பதிந்து ஆட்டோ ஓட்டுநரை கைது செய்து மேலும் விசாரணை செய்து வருகிறார்.