கொடைக்கானலில் 50 அடி பள்ளத்தில் தவறி விழுந்து காட்டெருமை சாவு

கொடைக்கானலில் திங்கள்கிழமை காட்டெருமை 50 அடி பள்ளத்தில் தவறி விழுந்து உயிரிழந்தது.
    கொடைக்கானல் சிவனடி சாலையில் தனியார் தோட்டத்தின் அருகே மேய்ந்து கொண்டிருந்த காட்டெருமை, அருகிலுள்ள 50 அடி பள்ளத்தில் தவறி விழுந்து பலத்த காயமடைந்துள்ளது. தொடர்ந்து, இரண்டு நாள்களாக உயிருக்குப் போராடிய காட்டெருமை செவ்வாய்க்கிழமை இறந்துவிட்டது. 
    தகவலறிந்து சம்பவ இடத்துக்குச் சென்ற மாவட்ட வன அலுவலர் தேஜஸ்வி, வனத் துறையினர் மற்றும் கால்நடை மருத்துவர் ஹக்கீம் ஆகியோர் இறந்து கிடந்த காட்டெருமையை பார்வையிட்டு, உடற்கூறாய்வுக்குப் பிறகு அங்கேயே புதைத்தனர்.