டி20 உலக கோப்பையில் இங்கிலாந்து த்ரில் வெற்றி..! கேஜரிவால் விடுதலையை எதிர்த்து தில்லி உயர்நீதிமன்றத்தில் சிபிஐ மேல்முறையீடு!தமிழக வரலாற்றில் ஒரு கூட்டணி நீண்ட காலமாக வெற்றிகரமாகத் தொடருவது இதுவே முதல்முறை - முதல்வர் ஸ்டாலின் சென்னை மெட்ரோ ரயில் பணி: கலங்கரை விளக்கம் முதல் திருமயிலை வரை சுரங்கம் தோண்டும் பணி நிறைவுஆம்ஸ்ட்ராங் கொலை வழக்கில் ஜாமீனில் விடுவிக்கப்பட்டுள்ள 12 பேரின் ஜாமீன் ரத்து மலையாள நடிகர் திலீப் விடுதலையை எதிர்த்து கேரள அரசு உயர்நீதிமன்றத்தில் மேல்முறையீடு!அதிமுகவில் மீண்டும் இணைந்தார் வெல்லமண்டி நடராஜன்இஸ்ரேலில் இருந்து வெளியேற அமெரிக்க குடிமக்களுக்கு அறிவுறுத்தல்!கோவையில் மாணவி கூட்டுப் பாலியல் வன்கொடுமை வழக்கு: மார்ச் 7-இல் தீர்ப்பு!தேவைப்பட்டால் நடிகையின் பெயரையும் வழக்கில் சேர்ப்பேன்: விஜய்யின் மனைவி சங்கீதாபிரதமர் மோடி நாளை தமிழகம் வருகிறார்! மார்ச் 1-ல் புதுச்சேரி பயணம்!நடிகர் விஜய்யின் மனைவி சங்கீதா விவாகரத்து கோரி நீதிமன்றத்தில் மனு தாக்கல்ஆப்கானிஸ்தானுடன் போர் - பாகிஸ்தான்பங்குச்சந்தை கடும் வீழ்ச்சி! ரூ. 5.5 லட்சம் கோடி இழப்பு!!
/

‘டஃபே’ தொழிலாளா்கள் குடும்பத்தினருடன் 2 ஆவது நாளாக போராட்டம்

ஊதிய உயா்வு பிரச்னையில் தீா்வு எட்டப்படாத நிலையில், டஃபே நிா்வாகத்தைக் கண்டித்து 400-க்கும் மேற்பட்ட தொழிலாளா்கள் தங்களது குடும்பத்தினருடன் 2ஆவது நாளாக சனிக்கிழமையும் போராட்டத்தில் ஈடுபட்டனா்.

News image
போராட்டத்தில் ஈடுபட்ட ஊழியா்களுடன் பேச்சுவாா்த்தை நடத்திய ஆலை நிா்வாகத்தினா்.
Updated On :27 ஜனவரி 2024, 6:06 pm

DIN

ஊதிய உயா்வு பிரச்னையில் தீா்வு எட்டப்படாத நிலையில், டஃபே நிா்வாகத்தைக் கண்டித்து 400-க்கும் மேற்பட்ட தொழிலாளா்கள் தங்களது குடும்பத்தினருடன் 2ஆவது நாளாக சனிக்கிழமையும் போராட்டத்தில் ஈடுபட்டனா்.

திண்டுக்கல் மாவட்டம், அம்மையநாயக்கனூா் அருகே நான்குவழிச் சாலையில் உள்ள டிராக்டா் தயாா் செய்யும் தொழிற்சாலையில் (டஃபே) 800-க்கும் மேற்பட்ட தொழிலாளா்கள் பணிபுரிந்து வருகின்றனா். இங்கு, ஊதிய உயா்வு, பணி நிரந்தரம் உள்ளிட்ட பல்வேறு கோரிக்கைகளை தொழிலாளா்கள் வலியுறுத்தி வந்தனா்.

ஆனால், நிா்வாகத் தரப்பில் இது குறித்து பரிசீலிக்கப்படாததால், தொழிற்சங்கங்கள் சாா்பில் திண்டுக்கல் தொழிலாளா் நல அலுவலகத்தில் புகாா் அளிக்கப்பட்டது. அதன்பேரில், இது தொடா்பான விசாரணை தொழிலாளா் நல அலுவலகத்தில் வியாழக்கிழமை நடைபெற்றது. அதில், மதுரையைச் சோ்ந்த ஊழியா்களான திருமுருகன் மற்றும் கண்ணன் ஆகியோா் தொழிற்சங்கப் பிரதிநிதிகளாகப் பங்கேற்றுள்ளனா்.

இதையறிந்த தொழிற்சாலை நிா்வாகம், வெள்ளிக்கிழமை பணிக்குச் சென்ற திருமுருகன் மற்றும் கண்ணன் ஆகியோரை பணிபுரிவதற்கு அனுமதி மறுத்துள்ளது. மேலும், கடந்த வாரம் காரணமின்றி 5 தொழிலாளா்கள் பணியிடை நீக்கம் செய்யப்பட்டுள்ளனா். இதனால் ஊழியா்கள், ஆலை நிா்வாகத்தைக் கண்டித்து உள்ளிருப்புப் போராட்டத்தில் ஈடுபட்டனா்.

தொடா்ந்து, சிஐடியு தொழிற்சங்கத்தின் மாநிலக் தலைவா் ஆறுமுகநயினாா், மாவட்டச் செயலா் கே.ஆா். கணேசன், இணைச் செயலா் சாதிக் அலி உள்ளிட்டோா் தலைமையில், ஆலை நிா்வாகத்துடன் நடத்தப்பட்ட பேச்சுவாா்த்தையிலும் உடன்பாடு ஏற்படவில்லை.

குடும்பத்தினரும் பங்கேற்பு

இந்நிலையில், சனிக்கிழமை 2ஆவது நாளாக ஆலை வளாகத்துக்குள் 200-க்கும் மேற்பட்ட தொழிலாளா்கள் உள்ளிருப்புப் போராட்டத்தில் ஈடுபட்டனா். அதேபோல், ஆலை நுழைவுவாயில் பகுதியிலும் 200-க்கும் மேற்பட்ட தொழிலாளா்கள் குடும்பத்தினருடன் காத்திருப்புப் போராட்டத்தில் ஈடுபட்டனா். அப்போது, வெயிலுக்காக ஆலை முன்பாக அமைக்கப்பட்ட பந்தலுக்கு, ஆலை நிா்வாகம் கடும் எதிா்ப்பு தெரிவித்தது.

போராட்டத்தில் ஈடுபட்ட தொழிலாளா்களை, திண்டுக்கல் தொகுதி சட்டப்பேரவை முன்னாள் உறுப்பினா் கே. பாலபாரதி உள்ளிட்ட பலா் நேரில் சந்தித்து ஆதரவு தெரிவித்தனா். இதனால், அங்கு பரபரப்பு ஏற்பட்டது.

பத்திரிகையாளா்களுக்கு எதிா்ப்பு

இதனிடையே, போராட்டம் குறித்து செய்தி சேகரிக்கச் சென்ற செய்தியாளா்களுடன், அங்கு பாதுகாப்புப் பணியில் ஈடுபட்டிருந்த ஆலையின் காவலாளிகள் வாக்குவாதத்தில் ஈடுபட்டதுடன், புகைப்படம் எடுப்பதற்கும் எதிா்ப்பு தெரிவித்தனா். இதற்கு, அங்கு பாதுகாப்புப் பணியில் ஈடுபட்டிருந்த காவல் துறையினா், ஆலையின் காவலாளிகளை கண்டித்தனா். இதன் காரணமாக, அங்கு சிறிது நேரம் பரபரப்பு ஏற்பட்டது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.