பழனி பெரியாவுடையாா் கோயிலில் சனிப்பிரதோஷ விழா

பழனி பெரியாவுடையாா் கோயிலில் சனிக்கிழமை நடைபெற்ற சனிப்பிரதோஷ விழாவில் ஏராளமான பக்தா்கள் பங்கேற்றனா்.

உலக மக்களை காப்பதற்காக சிவபெருமான் ஆலகால விடத்தை அருந்திய காலம் பிரதோஷ காலமாகும். இந்நாளில், சிவபெருமானையும், அவரைக் காப்பாற்றிய நந்தி பகவானையும் வழிபடுவது வழக்கம். மேலும், பிரதோஷ தினம் சனிக்கிழமைகளில் வரும்போது கோயில்களில் மிகவும் விமரிசையாக பூஜைகள் நடத்தப்பட்டு வழிபடப்படுகின்றன.

இதையொட்டி, பழனி சண்முக நதிக்கரையில் மேற்கு நோக்கி அமைந்துள்ள பெரியாவுடையாா் கோயிலில் சுயம்பு மூலவருக்கும், நந்தி பகவானுக்கு பால், பஞ்சாமிா்தம், பன்னீா், விபூதி, பழங்கள், சந்தனம் உள்ளிட்ட பொருள்களால் சிறப்பு அபிஷேகம் நடத்தப்பட்டு, அலங்காரம் செய்யப்பட்டது.

நந்தி பகவானுக்கு வண்ண மலா்கள் சாா்த்தப்பட்டு, தீபாராதனை நடைபெற்றது. தொடா்ந்து, மூலவா் பெரியாவுடையாருக்கு வெள்ளி நாகாபரணம் சாா்த்தப்பட்டு, அலங்காரம், தீபாராதனை நடைபெற்றது.

இதேபோல், பழனி மலைக் கோயிலில் கைலாசநாதா் சன்னிதி, சித்தா நகா் சிவன் கோயில், பட்டத்து விநாயகா் கோயிலில் சிதம்பரீஸ்வரா் சன்னிதி, வேலீஸ்வரா் கோயில், பெரியநாயகியம்மன் கோயிலில் கைலாசநாதா் சன்னிதி உள்ளிட்ட பல இடங்களிலும் சனிப்பிரதோஷ விழா நடைபெற்றது.