பழனி மலைக்கோயில் உண்டியல் திறப்பு: காணிக்கை ரூ.4.14 கோடி

பழனி தண்டாயுதபாணி சுவாமி கோயில் உண்டியல்கள் திங்கள் மற்றும் செவ்வாய்க்கிழமைகளில் திறக்கப்பட்டு எண்ணப்பட்டதில் மொத்தம் காணிக்கை ரூ.4.14 கோடியை தாண்டியது.

ஆறுபடை வீடுகளில் மூன்றாம் படை வீடான பழனி தண்டாயுதபாணி சுவாமி கோயில், பல்வேறு தளா்வுகளுடன் திறக்கப்பட்டு பக்தா்கள் சுவாமி தரிசனம் செய்ய அனுமதிக்கப்பட்டனா். ஆங்கிலப் புத்தாண்டு, விடுமுறை நாள்கள், காா்த்திகை மாதம் என கடந்த 48 நாள்கள் பக்தா்கள் வருகை அதிகமாக இருந்த நிலையில் உண்டியல்கள் நிறைந்தன.

இதையடுத்து திங்கள்கிழமை மற்றும் செவ்வாய்க்கிழமைகளில் உண்டியல்கள் திறக்கப்பட்டு எண்ணப்பட்டன. இதில் பக்தா்களின் காணிக்கை வரவாக ரொக்கம் ரூபாய் நான்கு கோடியே 14 லட்சத்து 57 ஆயிரத்து 830 கிடைத்துள்ளது. உண்டியலில் பக்தா்கள் தங்கத்தாலான வேல், தாலி, மோதிரம், சங்கிலி, தங்கக்காசு போன்றவற்றையும், வெள்ளியால் ஆன காவடி, வளையம், வீடு, தொட்டில், வேல், கொலுசு, பாதம் போன்றவற்றையும் காணிக்கையாகச் செலுத்தியிருந்தனா். தங்கம் 1,038 கிராமும், வெள்ளி 30 ஆயிரத்து 617 கிராமும் கிடைத்தது. மலேசியா, சிங்கப்பூா், அமெரிக்கா, ஜப்பான், ஆஸ்திரேலியா, மியான்மா் உள்ளிட்ட பல்வேறு நாடுகளின் கரன்சிகள் 120 ம் கிடைத்தன. இவை தவிர பித்தளை வேல், கைக்கடிகாரம், ஏலக்காய், முந்திரி, நவதானியங்கள், பட்டாடைகளையும் பக்தா்கள் காணிக்கையாகச் செலுத்தியிருந்தனா்.

காணிக்கை எண்ணும் பணியில் கோயில் கல்லூரி பணியாளா்கள், கோயில் அலுவலா்கள், வங்கிப் பணியாளா்கள் என நூற்றுக்கணக்கானோா் ஈடுபட்டனா். நிகழ்ச்சியில், பழனிக்கோயில் செயல் அலுவலா் கிராந்திகுமாா் பாடி, மதுரை இந்து சமய அறநிலையத்துறை துணை ஆணையா் பொன். சுவாமிநாதன், பழனிக்கோயில் துணை ஆணையா் (பொறுப்பு) செந்தில்குமாா் உள்ளிட்ட பலா் பங்கேற்றனா்.