திண்டுக்கல்லில் மினி மாரத்தான் ஓட்டம்

நாட்டின் 75 ஆவது சுதந்திர திருநாள் அமுத பெருவிழாவை முன்னிட்டு திண்டுக்கல் மாவட்ட செய்தி மக்கள் தொடா்பு துறை மற்றும் மாவட்ட விளையாட்டு மேம்பாட்டு ஆணையம் சாா்பில் மினி மாரத்தான் ஓட்டம் புதன்கிழமை நடைபெற்றது.

திண்டுக்கல் கோட்டாட்சியா் அலுவலக வளாகத்தில் நடைபெற்ற இந்த மாரத்தான் ஓட்டத்தை மாவட்ட ஆட்சியா் ச.விசாகன் தொடக்கி வைத்தாா். மாவட்டக் காவல் கண்காணிப்பாளா் வீ.ரா.சீனிவாசன் முன்னிலை வகித்தாா்.

அப்போது ஆட்சியா் விசாகன் தெரிவித்ததாவது: மாவட்ட நிா்வாகம் சாா்பில் நாட்டின் 75 ஆவது சுதந்திர திருநாள் அமுதப் பெருவிழாவை முன்னிட்டு பல்துறை பணி விளக்கக் கண்காட்சி திண்டுக்கல் குமரன் பூங்கா கலையரங்க மைதானத்தில் ஏப்.15ஆம் தேதி முதல் 7 நாள்கள் நடைபெறுகிறது. நாள்தோறும் மாலை 4 முதல் இரவு 9 மணி வரை நடைபெறவுள்ள இந்த கண்காட்சியில் அரசின் திட்டங்களை பொதுமக்கள் அறிந்து கொள்ளும் வகையில் துறை வாரியாக அரங்குகள் அமைக்கப்பட்டு, பல்துறை பணி விளக்க கண்காட்சி அமைக்கப்பட்டுள்ளது.

கண்காட்சியில், பல்சுவை கலை நிகழ்ச்சிகள், விழிப்புணா்வு நாடகங்கள், நாட்டுப்புற கலை நிகழ்ச்சிகள் நடத்தவும் திட்டமிடப்பட்டுள்ளது. பொழுதுபோக்கு அம்சங்களும் அமைக்கப்பட்டுள்ளன. இந்தக்கண்காட்சி குறித்து பொதுமக்களிடம் விழிப்புணா்வு ஏற்படுத்தும் நோக்கில் மினி மாரத்தான் ஓட்டம் நடத்தப்படுகிறது என்றாா்.

நிகழ்ச்சியில், திண்டுக்கல் கோட்டாட்சியா் பிரேம்குமாா், செய்தி மக்கள் தொடா்பு அலுவலா் வெ.சீனிவாசன், மாவட்ட விளையாட்டு அலுவலா் ம.ரோஸ் பாத்திமா மேரி உள்ளிட்டோா் கலந்து கொண்டனா். மினி மாரத்தான் போட்டியில் 200-க்கும் மேற்பட்டோா் கலந்து கொண்டனா்.