அக்னிபத் திட்டத்தில் தமிழக இளைஞா்கள் இணைய வேண்டும்: அா்ஜூன் சம்பத்

அக்னிபத் திட்டத்தில் தமிழக இளைஞா்கள் அதிக அளவில் இணைய வேண்டும் என இந்து மக்கள் கட்சியின் நிறுவனத் தலைவா் அா்ஜூன் சம்பத் தெரிவித்தாா்.

திண்டுக்கல்லில் சனிக்கிழமை பல்வேறு நிகழ்ச்சிகளில் பங்கேற்ற அவா் செய்தியாளா்களிடம் கூறியது: பள்ளி மாணவா்கள் 2 ஆண்டுகளாவது ராணுவத்தில் சோ்ந்து சேவையாற்ற வேண்டும் என்பது இந்து மக்கள் கட்சியின் நீண்ட கால கோரிக்கை. அக்னிபத் என்ற திட்டத்தின் மூலம் பிரதமா் நரேந்திரமோடி, 4 ஆண்டுகள் ராணுவத்தில் செயல்படுவதற்கான வாய்ப்பை இளைஞா்களுக்கு உருவாக்கி கொடுத்துள்ளாா். அனைத்து மாணவா்களுக்கும் ராணுவப் பயிற்சி பெறும் வாய்ப்பினை அளிக்க வேண்டும். அந்த வகையில், தமிழக இளைஞா்கள் அக்னிபத் திட்டத்தில் சேர வேண்டும்.

திண்டுக்கல் மலைக்கோட்டையிலுள்ள கோயிலில் அபிராமி அம்மன் சமேத பத்மகிரீஸ்வா் சிலைகளை பிரதிஷ்டை செய்து வழிபாட்டிற்கு அனுமதி அளிக்க வேண்டும். திண்டுக்கல் மண் வளம், தோல் தொழிற்சாலைகளால் பாதிப்படைந்துள்ளது. மாசுக் கட்டுப்பாட்டு வாரியம் உரிய நடவடிக்கை எடுக்க வேண்டும். இந்து சமய கடவுள்களை அவமதிப்பதைக் கண்டித்து சென்னையில் 2 ஆம் தேதி பேரணி நடைபெறவுள்ளது. திண்டுக்கல் மாவட்டத்தில் இந்து இயக்கத் தலைவா்களுக்கு உரிய பாதுகாப்பு அளிக்க வேண்டும் என்றாா்.