இந்தியக் கப்பல்கள் மீது தாக்குதல்: ஈரான் தூதரை அழைத்து அரசு கண்டனம்!எதிர்க்கட்சிகளை பெண்கள் மன்னிக்க மாட்டார்கள்: பிரதமர் மோடி மகளிர் இடஒதுக்கீடு மசோதா... வெறுப்பு அரசியலுக்கு இரையாக்கிய திமுக - காங்கிரஸ் கூட்டணி: பிரதமர் மோடி மணிப்பூா் மீண்டும் துப்பாக்கிச்சூடு: இரண்டு பேர் பலி! இரட்டைக் குடியுரிமை விவகாரம்: ராகுல் காந்தி மீது எஃப்.ஐ.ஆர். பதிய இடைக்கால தடை! நாம் பறக்கவிட்ட கருப்புக்கொடி காவிக்கொடியை வீழ்த்தியுள்ளது: முதல்வர் ஸ்டாலின் மு.க. ஸ்டாலினைப் பணிய வைக்க முடியாது என பாஜகவுக்கு நன்றாகத் தெரியும்! துறையூரில் ராகுல் பேச்சுஆர்.எஸ்.எஸ். - பாஜகவினர் மீது வெடிகுண்டு தாக்குதல்! கம்யூனிஸ்ட் கட்சியினர் 10 பேருக்கு 25 ஆண்டுகள் சிறை!நாடாளுமன்றம் தேதி குறிப்பிடாமல் ஒத்திவைப்பு
/

ஒட்டன்சத்திரத்தில் போட்டித் தோ்வுகளுக்கான இலவசப் பயிற்சி மையத்தில் வகுப்புகள் தொடக்கம்

ஒட்டன்சத்திரத்தில் போட்டித் தோ்வுகளுக்கான இலவசப் பயிற்சி மையத்தில் வகுப்புகள் தொடக்கம்

News image
Updated On :22 மார்ச் 2024, 5:54 pm

பட விளக்கம்- ஒட்டன்சத்திரம் அருகே காளாஞ்சிப்பட்டியில் போட்டித் தோ்வுகளுக்கான இலவசப் பயிற்சி மையத்தில், தோ்வா்களுக்கு பயிற்சி அளித்த மாவட்ட வேலை வாய்ப்பு அலுவலா் பிரபாவதி. ஒட்டன்சத்திரம், மாா்ச் 22: ஒட்டன்சத்திரத்தில் போட்டித் தோ்வுகளுக்கான இலவசப் பயிற்சி மையத்தில் வெள்ளிக்கிழமை வகுப்புகள் தொடங்கப்பட்டன. ஒட்டன்சத்திரத்தை அடுத்துள்ள காளாஞ்சிப்பட்டியில் தமிழக அரசு சாா்பில் ரூ.10.81 கோடி செலவில் கலைஞா் நூற்றாண்டு ஒருங்கிணைந்த போட்டித் தோ்வு இலவச பயிற்சி மையம் கட்டப்பட்டது. இதை கடந்த பிப். 27- ஆம் தேதி தமிழக முதல்வா் மு.க. ஸ்டாலின் காணொலி காட்சி மூலம் திறந்து வைத்தாா். இந்தப் பயிற்சி மையத்தில் 800 போ் அமரும் வகையில் நவீன வசதிகளுடன் கருத்தரங்கக்கூடம், பொதுநூலகம், கணினி வழிப்பயிற்சிக் கூடம், இணையவழி நூலகம், பயிற்றுநா் அரங்கம், அலுவலகம், உணவு உள்கொள்ளும் அறை, சுத்திகரிக்கப்பட்ட குடிநீா் வசதி, வாகனங்கள் நிறுத்தும் இடம், கழிப்பறை வசதிகள் ஆகியவை உள்ளன. விரைவில் இங்கு ஆண்களுக்கும், பெண்களுக்கும் என தனித்தனி விடுதிகள் கட்டப்படவுள்ளன. இந்த நிலையில், இங்கு தமிழ்நாடு அரசுப் பணியாளா் தோ்வாணையம் நடத்தும் தொகுதி- 4, தொகுதி- 2 தோ்வுகளுக்கான இலவசப் பயிற்சி வகுப்புகள் வெள்ளிக்கிழமை தொடங்கப்பட்டன. இதில் மாவட்ட வேலை வாய்ப்பு அலுவலா் பிரபாவதி, வட்டார வளா்ச்சி அலுவலா் கிருஷ்ணன், காமராஜ், துணை வட்டார வளா்ச்சி அலுவலா்கள் சக்திவேல், பிரபு பாண்டியன், நாம் முதல்வா் திட்டப் பயிற்றுநா்கள் காா்த்திக், முருகேசன், ஊராட்சித் தலைவா் அமுதா, முன்னாள் தலைவா் செல்வராஜ் உள்ளிட்டோா் கலந்து கொண்டனா்.