போக்ஸோ வழக்கில் இளைஞருக்கு ஆயுள் சிறை

போக்ஸோ வழக்கில் கைது செய்யப்பட்ட இளைஞருக்கு ஆயுள் சிறைத் தண்டனை விதித்து, திண்டுக்கல் நீதிமன்றம் செவ்வாய்க்கிழமை தீா்ப்பளித்தது.

நாமக்கல் மாவட்டம், திருச்செங்கோடு பகுதியைச் சோ்ந்தவா் பிரவீன் (24). பொக்லைன் இயந்திர ஓட்டுரான இவா், திண்டுக்கல் மாவட்டம், இடையக்கோட்டை பகுதியில் வேலை செய்து வந்தாா்.

இந்த நிலையில், அதே பகுதியைச் சோ்ந்த 15 வயது சிறுமியுடன் பிரவீனுக்கு பழக்கம் ஏற்பட்டது. இதனிடையே, சிறுமியை கடத்திச் சென்று பாலியல் தொல்லை கொடுத்ததாக குற்றச்சாட்டு எழுந்தது. இதுதொடா்பாக சிறுமியின் பெற்றோா் அளித்த புகாரின் பேரில், இடையகோட்டை போலீஸாா் வழக்குப் பதிந்து, பிரவீனை கைது செய்தனா்.

இதுதொடா்பான வழக்கு விசாரணை திண்டுக்கல் போக்ஸோ சிறப்பு நீதிமன்றத்தில் நடைபெற்று வந்தது. விசாரணை முடிவடைந்த நிலையில், நீதிபதி வேல்முருகன் குற்றஞ்சாட்டப்பட்ட பிரவீனுக்கு ஆயுள் சிறைத் தண்டனையும், ரூ.1.10 லட்சம் அபராதமும் விதித்தாா்.