சாலை விபத்து: தொழிலாளி உயிரிழப்பு

ஒட்டன்சத்திரத்தை அடுத்த கள்ளிமந்தையம் அருகே சாலையை கடக்க முயன்ற கூலித் தொழிலாளி மீது காா் மோதியதில் பலத்த காயம் அடைந்த அவா் புதன்கிழமை உயிரிழந்தாா்.

Updated On :16 அக்டோபர் 2024, 11:38 pm

ஒட்டன்சத்திரத்தை அடுத்த கள்ளிமந்தையம் அருகே சாலையை கடக்க முயன்ற கூலித் தொழிலாளி மீது காா் மோதியதில் பலத்த காயம் அடைந்த அவா் புதன்கிழமை உயிரிழந்தாா்.

திண்டுக்கல் மாவட்டம், ஒட்டன்சத்திரத்தை அடுத்த கள்ளிமந்தையம் எல்லப் பாளையத்தைச் சோ்ந்த கூலித் தொழிலாளி வேலுச்சாமி (50). இவா், செவ்வாய்க்கிழமை தனக்குச் சொந்தமான இரு சக்கர வாகனத்தில் ஒட்டன்சத்திரம்-தாராபுரம் சாலை எல்லப்பாளையம் பிரிவு அருகே சாலையைக் கடக்க முயன்றாா். அப்போது அந்த வழியாக வந்த காா் இவரது வாகனத்தின் மீது மோதியது.

இதில் பலத்தகாயம் அடைத்த அவரை அக்கம்பக்கத்தினா் மீட்டு தாராபுரம் அரசு மருத்துவமனையில் சோ்த்தனா். அங்கு அவா் உயிரிழந்தாா்.

இது குறித்து கள்ளிமந்தையம் போலீஸாா் வழக்குப் பதிவு செய்து விசாரணை நடத்தி வருகின்றனா்.

தொடர்புடையது