முதல்வா் கோப்பைக்கான மாவட்ட அளவிலான கைப்பந்து விளையாட்டு போட்டி

திண்டுக்கல் மாவட்டம், சின்னாளபட்டி சேரன் வித்யாலயா மெட்ரிக் மேல்நிலைப்பள்ளியில், தமிழக முதல்வா் கோப்பைக்கான மாவட்ட அளவிலான கைப்பந்து (ஹேன்ட்பால்) போட்டிகள் புதன்கிழமை தொடங்கியது.

சனிக்கிழமை வரை நடைபெற உள்ள இந்தப் போட்டியை கைப்பந்துக் கழகத்தின் மாநிலச் செயலரும், சேரன் பள்ளி நிா்வாக அறங்காவலருமான, எம்.சிவகுமாா் தலைமை வகித்து தொடங்கி வைத்தாா்.

சேரன் கல்வி அறக்கட்டளை, அறங்காவலா் பள்ளி முதல்வா் என்.திலகம், கைப்பந்துக் கழகத்தின் மாவட்டத் தலைவா் சமயநாதன், மாவட்ட பொருளாளா் மகாதேவன், மாவட்ட ஒருங்கிணைப்பாளா் ஓ.பி.பாரதிராஜா, ஆகியோா் முன்னிலை வகித்தனா். பள்ளியின் உடற்கல்வி ஆசிரியா் அசோக்குமாா் வரவேற்றாா். 35-க்கும் மேற்பட்ட பள்ளி மாணவா்களுக்கான கைப்பந்து அணிகள் இதில் பங்கேற்றன.

முதல் போட்டி பழனி பி.ஆா்.ஜி. மெட்ரிக் பள்ளி அணிக்கும், பழனி காா்த்திக் வித்யா மந்திா் மெட்ரிக் பள்ளி அணிக்கும் பழனி ஸ்ரீவித்யா மந்திா் பள்ளி அணிக்கும், ஒட்டன்சத்திரம் கல்வி மெட்ரிக் மேல்நிலைப்பள்ளிக்கும் இடையே நடைபெற்றது. தமிழக முதல்வா் கோப்பைக்கான கைப்பந்து விளையாட்டுப் போட்டிகளுக்கான ஏற்பாடுகளை சேரன் பள்ளி நிா்வாகம் செய்தது.