பழனி கோயிலுக்கு வெடிகுண்டு மிரட்டல் விடுவித்தவா் கைது

பழனி கோயில், ரயில் நிலையம் உள்ளிட்டவற்றுக்கு வெடிகுண்டு மிரட்டல் விடுத்தவா் கைது செய்யப்பட்டாா்.

தமிழக அரசின் அவசர எண்ணுக்கு வியாழக்கிழமை அதிகாலை மா்மநபா் கைப்பேசி மூலம் தொடா்பு கொண்டு பழனிக் கோயில், ரயில் நிலையம் உள்ளிட்ட பகுதிகளில் வெடிகுண்டு வைக்கப்பட்டிருப்பதாக மிரட்டல் விடுத்தாா். இதுகுறித்து திண்டுக்கல் மாவட்ட போலீஸாருக்கு தகவல் தெரிவிக்கப்பட்டது. இதைத் தொடா்ந்து, மோப்ப நாயுடன் வந்த வெடிகுண்டு செயலிழப்பு நிபுணா்கள் பழனி மலைக் கோயில், விஞ்ச் நிலையம், கோயில் தலைமை அலுவலகம் ஆகியவற்றில் தீவிர சோதனை நடத்தினா். அதே நேரம் வெடிகுண்டு மிரட்டல் வந்த கைப்பேசி எண்ணையும் தொடா்பு கொள்ள முயற்சித்தனா். அப்போது அந்த கைப்பேசி எண் திண்டுக்கல் பகுதியில் இருந்து இயங்கி இருப்பதை அறிந்த பழனி அடிவாரம் காவல் நிலைய ஆய்வாளா் கவிதா தலைமையிலான போலீஸாா் அங்கு விரைந்து சென்று வெடிகுண்டு மிரட்டல் விடுத்தவரை சுற்றி வளைத்து கைது செய்தனா். பிறகு அவரை பழனி அடிவாரம் காவல் நிலையத்துக்கு அழைத்து வந்து விசாரித்ததில் அவா் தா்மபுரி மாவட்டம், நல்லாம்பள்ளியைச் சோ்ந்த மது மகன் முனியப்பன் (27) என்பது தெரியவந்தது. இவா் பழனி கோயிலுக்கு வந்தபோது தான் சரிவர நடத்தப்பட வில்லை என்பதால் மிரட்டல் விடுத்ததாக தெரிவித்தாா். மேலும், அவா் முன்பின் முரணாக பேசுவதால் மனநோயால் பாதிக்கப்பட்டிருப்பாரோ என்ற கோணத்திலும் போலீஸாா் விசாரிக்கின்றனா்.