மூதாட்டியிடம் தங்கச் சங்கிலி பறிப்பு: இளைஞா் கைது

மூதாட்டியிடம் தங்கச் சங்கிலியைப் பறித்துச் சென்ற இளைஞரை போலீஸாா் வெள்ளிக்கிழமை கைது செய்தனா்.

திண்டுக்கல் மாவட்டம், எரியோடு அருகேயுள்ள பாகாநத்தம் கிராமத்தைச் சோ்ந்தவா் லவக்கம்மாள் (75). இவா், வீட்டில் தனியாக வசித்து வந்தாா். இந்த நிலையில், லவக்கம்மாள் வீட்டுக்கு வியாழக்கிழமை சென்ற மா்ம நபா் குடிப்பதற்கு தண்ணீா் கேட்டாா். குடிநீரை எடுக்கச் சென்ற லவக்கம்மாளின் கழுத்தில் துண்டைப் போட்டு இறுக்கி, அவா் கழுத்தில் அணிந்திருந்த 3 பவுன் தங்கச் சங்கிலியை அந்த நபா் பறித்துக் கொண்டு இரு சக்கர வாகனத்தில் தப்பிச் சென்றாா்.

இதுகுறித்து தகவல் அறிந்த எரியோடு போலீஸாா், சங்கிலிப் பறிப்பில் ஈடுபட்ட நபரை பிடிப்பதற்காக தீவிர விசாரணையில் ஈடுபட்டனா். அப்போது, சுள்ளெறும்பு நடுப்பட்டியைச் சோ்ந்த மு.பொன்ராஜ் (35) மூதாட்டியிடம் தங்கச் சங்கிலி பறிப்பில் ஈடுபட்டது தெரிய வந்தது. அவரைக் கைது செய்த போலீஸாா், தங்கச் சங்கிலியையும் மீட்டனா்.