கொடைக்கானலில் மழை: சுற்றுலாப் பயணிகள் மகிழ்ச்சி

கொடைக்கானலில் சனிக்கிழமை பிற்பகலில் மிதமான மழை பெய்ததால், சுற்றுலாப் பயணிகள் மகிழ்ச்சியடைந்தனா்.

திண்டுக்கல் மாவட்டம், கொடைக்கானலில் கடந்த சில மாதங்களாக மழையில்லாமல் இருந்து வந்த நிலையில், பொதுமக்களுக்கு குடிநீா் வழங்குவதில் பல்வேறு பிரச்னைகள் ஏற்பட்டு வருகிறது.

இதனால், கொடைக்கானல் நகா்ப் பகுதி மட்டுமன்றி, புகா்ப் பகுதிகளான செண்பகனூா், பாக்கியபுரம், வட்டக்கானல், பிரகாசபுரம் உள்ளிட்ட பகுதிகளில் 10 நாள்களுக்கு ஒரு முறை நகராட்சி சாா்பில் குடிநீா் விநியோகம் செய்யப்பட்டு வருகிறது.

இந்த நிலையில், கொடைக்கானலில் கடந்த சில தினங்களாக பரவலாக லேசான சாரலும், பலத்த காற்று நிலவி வருகிறது. சனிக்கிழமை காலை முதல் மேகமூட்டம் காணப்பட்டது. இதைத் தொடா்ந்து, சுமாா் 30 நிமிஷங்கள் மிதமான மழை பெய்தது. இதனால், பொதுமக்களும், சுற்றுலாப் பயணிகளும் மகிழ்ச்சியடைந்தனா்.

தொடா்ந்து கொடைக்கானலில் குளுமையான கால நிலை நிலவி வருவதால், சுற்றுலாப் பயணிகள் சுற்றுலா இடங்களைப் பாா்த்தும், ஏரியில் படகு சவாரி செய்தும், ஏரிச் சாலையில் சைக்கிள், குதிரை சவாரி செய்தும் மகிழ்ந்தனா்.