மாணவா்கள் புகாா் எதிரொலி: விடுதி காப்பாளா், சமையலா் பணியிடை நீக்கம்

பிற்படுத்தப்பட்டோா் நலத் துறை அமைச்சரிடம் மாணவா்கள் புகாா் அளித்ததை அடுத்து, கள்ளா் பள்ளி விடுதி காப்பாளா், சமையலா் ஆகியோா் பணியிடை நீக்கம் செய்யப்பட்டனா்.

திண்டுக்கல் மாவட்டம், ரெட்டியாா்சத்திரம் அடுத்த கொண்டமநாயக்கன்பட்டி கிராமத்தில் அமைந்துள்ள அரசு கள்ளா் உண்டு உறைவிட மேல்நிலைப் பள்ளியில் பிற்படுத்தப்பட்டோா் நலத் துறை அமைச்சா் வே. சம்பத்குமாா் கடந்த புதன்கிழமை ஆய்வு செய்தாா். அப்போது விடுதியில் வழங்கப்படும் உணவு தரமானதாக இல்லை. காலாவதியான உணவுப் பொருள்களை பயன்படுத்துகின்றனா். ஆண்கள் விடுதி காப்பாளா், இரவு நேரங்களில் மாணவா்களுக்கு தெரியாமல் மது அருந்தி வருகிறாா் என்பன உள்ளிட்ட பல்வேறு புகாா்களை மாணவா்கள் தெரிவித்தனா். இந்த பிரச்னைகள் அனைத்தும் உடனடியாக சரி செய்யப்படும் என அமைச்சா் உறுதி அளித்தாா். இதனிடையே மாணவா்களின் புகாா் குறித்து கள்ளா் பள்ளிகளின் இணை இயக்குநா் சுபாஷினி விசாரணை நடத்தினாா். அதில் மாணவா்கள் அளித்த புகாா் உண்மை என தெரியவந்தது. இதையடுத்து, விடுதி காப்பாளா் தினேஷ்குமாா், சமையலா் சிவக்குமாா் ஆகியோா் வெள்ளிக்கிழமை பணியிடை நீக்கம் செய்யப்பட்டனா்.