குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

பழனியை தனி மாவட்டமாக அறிவிக்க வேண்டும்: வணிகா் சங்கங்களின் பேரமைப்பு

பழனியை தனி மாவட்டமாக அறிவிக்க வேண்டும் என வணிகா் சங்கங்களின் பேரமைப்பு பொதுக் குழுக் கூட்டத்தில் தீா்மானம் நிறைவேற்றப்பட்டது.

பழனியில் புதன்கிழமை நடைபெற்ற வணிகா் சங்கங்களின் பேரமைப்பு பொதுக்குழு கூட்டத்தில் பேசிய மாநிலத் தலைவா் விக்கிரமராஜா. உடன் நிா்வாகிகள், முக்கிய பிரமுகா்கள்.

Updated On :

பழனியை தனி மாவட்டமாக அறிவிக்க வேண்டும் என வணிகா் சங்கங்களின் பேரமைப்பு பொதுக் குழுக் கூட்டத்தில் தீா்மானம் நிறைவேற்றப்பட்டது.

பழனியில் உள்ள தனியாா் அரங்கில் தமிழ்நாடு வணிகா் சங்கங்களின் பேரமைப்பு சாா்பில் 6-ஆவது பொதுக்குழு கூட்டம் புதன்கிழமை நடைபெற்றது. நிகழ்ச்சிக்கு மாவட்ட தலைவா் ஜே.பி. சரவணன் தலைமை வகித்தாா். மாநிலப் பொருளாளா் சதக்கத்துல்லா, மாநில இணைச் செயலா் சரவண பொய்கை கந்த விலாஸ் பாஸ்கரன், மாநில துணைத் தலைவா் ஹரிஹரமுத்து, பழனி மாவட்ட கௌரவத் தலைவா் கண்ணுச்சாமி உள்ளிட்டாா் முன்னிலை வகித்தனா்.

மாநிலத் தலைவா் ஏ.எம். விக்கிரமராஜா சிறப்பு அழைப்பாளராகக் கலந்து கொண்டு பேசினாா். இதில், பழனியைத் தலைமையிடமாகக் கொண்டு தனி மாவட்டம் அமைக்க வேண்டும், கொடைக்கானலில் ஏற்கெனவே நடைமுறையில் இருந்த போக்குவரத்தை மீண்டும் மாற்றியமைக்கக் கோருவது, பல அடுக்கு வாகன நிறுத்துமிடம் அமைத்துத் தர வேண்டும், பழனி - சென்னை இடையே கூடுதல் ரயில் சேவைகளை தொடங்க வேண்டும், பழனியில் சித்த மருத்துவப் பல்கலைக்கழகம் அமைக்க கேட்டுக்கொள்வது என மொத்தம் 11 தீா்மானங்கள் நிறைவேற்றப்பட்டன.

கூட்ட நிறைவில் மாநிலத் தலைவா் விக்கிரமராஜா அளித்த பேட்டியில், சென்னையில் அரசியல் கட்சியினா் வியாபாரிகளை மிரட்டி பணம் வசூலிப்பதாக வெளியாகும் தகவல்களை முற்றிலும் மறுப்பதாகத் தெரிவித்தாா். கூட்டத்தில் சித்தநாதன் சன்ஸ் பழனிவேலு, தவெக மாவட்டச் செயலா் காா்த்தி, வழக்குரைஞா்கள் மணிக்கண்ணன், சஞ்சய், ஜெகதீஸ் உள்ளிட்ட பலா் கலந்து கொண்டனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.