கொட்டாம்பட்டி அருகே தடையை மீறி ஜல்லிக்கட்டு

கொட்டாம்பட்டி அருகே கோயில் திருவிழாவையொட்டி இரு இடங்களில் வெள்ளிக்கிழமை தடையை மீறி ஜல்லிக்கட்டு நடைபெற்றது.

  சேக்கிபட்டி முத்தாலம்மன்கோயில் மாசித் திருவிழா நடைபெற்றது. வியாழக்கிழமை இரவு அம்மன் எழுந்தருளினார். இதையடுத்து, வெள்ளிக்கிழமை ஜல்லிக்கட்டு நடத்த திட்டமிட்டனர்.

தகவலறிந்து அங்கு போலீஸார் குவிக்கப்பட்டனர். இருப்பினும், ஜல்லிக்கட்டு காளைகளை தொழுவிற்கு அழைத்து வராமல் அருகிலுள்ள தோப்புகளில் இருந்து அவிழ்த்துவிட்டனர்.

  இதே போன்று கருங்காலக்குடி அருகிலுள்ள தேனங்குடிப்பட்டி கோயில் திருவிழாவையொட்டியும் தடையை மீறி ஜல்லிக்கட்டு காளைகள் அவிழ்த்து விடப்பட்டன. ஜல்லிக்கட்டு காளைகளைப் பிடிப்பதற்காக ஏராளமான மாடுபிடி வீரர்களும் வந்திருந்தனர்.