பால் உற்பத்தியாளர் கூட்டுறவு சங்க நிர்வாகிகள் தேர்வு

கொட்டாம்பட்டி அருகே உள்ள வஞ்சி நகரம் பால் உற்பத்தியாளர் கூட்டுறவுச் சங்கத்துக்கான நிர்வாகிகள் போட்டியின்றி தேர்வு செய்யப்பட்டுள்ளனர்.
வஞ்சி நகரம் பால் உற்பத்தியாளர் கூட்டுறவு சங்கத்துக்கான நிர்வாகக் குழு உறுப்பினர்கள் தேர்தலில், 11 நிர்வாகிகளும் போட்டியின்றி தேர்வு செய்யப்பட்டுள்ளனர். இதையடுத்து, சங்கத் தலைவர், துணைத் தலைவர் தேர்தல் சனிக்கிழமை நடைபெற்றது. இதில், தலைவராக மா. பிச்சைமணி, துணைத் தலைவராக க. சண்முகம் ஆகியோர் போட்டியின்றி தேர்வு செய்யப்பட்டனர். மதுரை கிழக்குத் தொகுதி முன்னாள் எம்.எல்.ஏ. தமிழரசன் மற்றும் அதிமுக நிர்வாகிகள், தேர்வு பெற்ற இருவரையும் பாராட்டினர்.