திருமங்கலம் ஹோமியோபதி கல்லூரியில்  விண்ணப்பங்கள் விநியோகம்

திருமங்கலம் ஹோமியோபதி கல்லூரியில் முதலாம் ஆண்டு மாணவர் சேர்க்கைக்கான விண்ணப்பங்கள் செவ்வாய்க்கிழமை முதல் விநியோகிக்கப்பட்டு வருகிறது.
 இதுகுறித்து கல்லூரி முதல்வர் கார்த்திகேயன் கூறியது: தமிழகத்தின் ஒரே அரசு ஹோமியோபதி கல்லூரி திருமங்கலத்தில் உள்ளது. இங்கு செவ்வாய்க்கிழமை முதல் விண்ணப்ப படிவங்கள் விநியோகிக்கப்பட்டு வருகின்றன. எஸ்.சி, எஸ்.டி பிரிவினருக்கு விண்ணப்பங்கள் இலவசமாக பெறலாம். அதற்கு அவர்களது சாதிச் சான்றிதழுடன் வந்து விண்ணப்பங்களைப் பெற்றுக்கொள்ளலாம்.  மற்ற பிரிவினர் தேசிய மயமாக்கப்பட்ட வங்கியில் ரூ.500 டி.டி எடுத்து வந்து விண்ணப்பங்களைப் பெற்றுக்கொள்ள வேண்டும். தினமும் காலை 10 முதல் மாலை 5 மணிவரை விண்ணப்பங்கள் வழங்கப்படும். வருகின்ற செப்.5 ஆம் தேதி வரை மாணவர்கள் விண்ணப்ப படிவங்களை பெற்றுக் கொள்ளலாம். ஹோமியோபதி படிப்பிற்கு நீட் தேர்வு தேவையில்லை என்றார்.