போட்டித் தேர்வு இலவச பயிற்சிக்கு விண்ணப்பிக்கலாம்

போட்டித் தேர்வுக்கான இலவச பயிற்சியில் கலந்துகொள்ள விண்ணப்பிக்கலாம்.
இதுதொடர்பாக மதுரை மாவட்ட வேலைவாய்ப்பு அலுவலக துணை இயக்குநர் ந.மகாலட்சுமி வெளியிட்டுள்ள செய்திக்குறிப்பு: இந்து சமய அறநிலையத் துறை செயல் அலுவலருக்கான (கிரேட் 3) 55 காலியிடங்கள், செயல் அலுவலர் (கிரேட் 4) 65 காலியிடங்கள் மற்றும் கூட்டுறவுத் துறைக்கான 30 இளநிலை ஆய்வாளர் பணியிடங்களுக்கான அறிவிப்பு வெளியிடப்பட்டுள்ளது.
இந்து சமய அறநிலையத்துறை பணியிடங்களுக்கு டிச.3 மற்றும் கூட்டுறவுத்துறை இளநிலை ஆய்வாளர் பணியிடங்களுக்கு நவ.21 தேதியும் விண்ணிப்பிக்க வேண்டிய கடைசி தேதியாகும். இந்தத் தேர்வுக்கு, மாவட்ட வேலைவாய்ப்பு அலுவலகத்தில் நவ. 17 முதல் கட்டணமில்லா பயிற்சி வகுப்புகள் சனி மற்றும் ஞாயிற்றுக்கிழமைகளில் காலை 10 முதல் மாலை 5 மணி வரை நடைபெற உள்ளது. பயிற்சியில் கலந்துகொள்ள விரும்புவோர், தேர்வுக்கு விண்ணப்பித்துள்ள விவரங்கள், ஆதார் அட்டை நகலுடன் மாவட்ட வேலைவாய்ப்பு அலுவலகத்தை அணுகலாம் என அதில் குறிப்பிடப்பட்டுள்ளது.