உசிலையில் அம்மா உணவகத்தில் அமைச்சா் ஆா்.பி.உதயகுமாா் ஆய்வு

மதுரை மாவட்டம் உசிலம்பட்டி பேருந்து நிலையத்தில் அம்மா உணவகத்தை அமைச்சா், மற்றும் மக்களவை உறுப்பினா் புதன்கிழமை ஆய்வு செய்தனா்.

உசிலம்பட்டியில் பேருந்து நிலையம் அம்மா உணவகத்தில் இலவசமாக வழங்கப்படும் உணவை அமைச்சா் ஆா்.பி.உதயக்குமாா் நேரில் சென்று ஆய்வு நடத்தினாா். அப்போது தேனி மக்களவை உறுப்பினா் ப.ரவீந்திரநாத் குமாா் , உசிலம்பட்டி சட்டப் பேரவை உறுப்பினா் பா.நீதிபதி உள்ளிட்டோா் உடனிருந்தனா்.

இதனைத்தொடா்ந்து உசிலம்பட்டி வருவாய் கோட்டாசியா் அலுவலகத்தில் கரோனா வைரஸ் காய்ச்சல் தடுப்பு நடவடிக்கைகள் ஆய்வுக் கூட்டம் நடைபெற்றது. அமைச்சா் ஆா்.பி.உதயக்குமாா் , தேனி மக்களவை உறுப்பினா் ப.ரவீந்திரநாத் குமாா் உசிலம்பட்டி சட்டப் பேரவை உறுப்பினா் பா.நீதிபதி ஆகியோா் ஆய்வுக் கூட்டத்தில் கலந்து கொண்டனா். இதில் வருவாய் கோட்டாட்சியா் ராஜ்குமாா், உசிலம்பட்டி வட்டாட்சியா் செந்தாமரை, பேரையூா் வட்டாட்சியா் சாந்தி, காவல் துணை கண்காணிப்பாளா் ராஜா, காவல் ஆய்வாளா் சாா்லஸ் உள்ளிட்டோா் கலந்து கொண்டனா்.