விழுப்புரம்-மதுரை விரைவு ரயில்கால அட்டவணையில் மாற்றம்

விழுப்புரம் - மதுரை விரைவு ரயில் கால அட்டவணையில் மாற்றம் செய்யப்பட்டுள்ளதாக, தென்னக ரயில்வே அறிவித்துள்ளது.

இது குறித்து, தென்னக ரயில்வே மதுரை கோட்ட அலுவலகம் வெளியிட்டுள்ளது செய்திக் குறிப்பு:

விழுப்புரம் - மதுரை விரைவு ரயிலானது (16867), திருச்சியிலிருந்து இரவு 8.05 மணிக்குப் புறப்பட்டு, இரவு 11.30 மணிக்கு மதுரை வந்தடைகிறது.

திருச்சி - மதுரை இடையே குளத்தூா் (இரவு 8.22), மணப்பாறை (8.37), வையம்பட்டி (8.50), திண்டுக்கல் (9.35), அம்பாத்துறை (9.46), கொடைரோடு (9.57), சோழவந்தான் (10.10) ஆகிய ரயில் நிலையங்களிலிருந்து புறப்படும் நேரம் அடைப்புக்குறிக்குள் குறிப்பிட்டுள்ளவாறு மாற்றம் செய்யப்பட்டுள்ளது.