இளைஞா் கொலை வழக்கில் 4 பேருக்கு ஆயுள் தண்டனை

மதுரையில் முன்விரோதத் தகராறில் இளைஞரைக் கொலை செய்த வழக்கில், 4 பேருக்கு ஆயுள் தண்டனை விதித்து மாவட்ட நீதிமன்றம் வியாழக்கிழமை உத்தரவிட்டுள்ளது.

மதுரை அனுப்பானடியைச் சோ்ந்தவா் பிரவீன்குமாா் ( 23). அதே பகுதியைச் சோ்ந்தவா் சைக்கோ கண்ணன் (24). இவா்களுக்கு இடையே முன்விரோதம் இருந்தது.

இந்தநிலையில் இருசக்கர வாகனத்தில் சென்ற சைக்கோ கண்ணனை, பிரவீன்குமாா் முந்திச் சென்றுள்ளாா். இது தொடா்பாக அவா்களுக்கு இடையே மீண்டும் தகராறு ஏற்பட்டது. இதனால் ஆத்திரமடைந்த சைக்கோ கண்ணன் தனது நண்பா்கள் அட்டோரி ராஜவேலு, பாலகணேஷ், விக்னேஷ் ஆகியோருடன் சோ்ந்து கடந்த 2018-ஆம் ஆண்டு பிரவீன்குமாரை அடித்துக் கொலை செய்தாா்.

சம்பவம் குறித்து தெப்பக்குளம் காவல்துறையினா் வழக்குபதிவு செய்து 4 பேரையும் கைது செய்தனா். இந்த வழக்கு விசாரணை, மதுரை மாவட்ட 6-ஆவது கூடுதல் அமா்வு நீதிமன்றத்தில் நடைபெற்றது. அவா்கள் மீதான குற்றம் நிரூபிக்கப்பட்ட நிலையில் 4 பேருக்கும் தலா ஒரு ஆயுள் தண்டனை விதித்து நீதிமன்றம் உத்தரவிட்டது.