டி.கல்லுப்பட்டியில் மனைவி கொலை: கணவா் கைது

மதுரை மாவட்டம் டி.கல்லுப்பட்டியில் நடத்தை சந்தேகத்தில் மனைவியை வியாழக்கிழமை, கம்பியால் அடித்துக் கொலை செய்த கணவரை போலீஸாா் கைது செய்தனா்.

டி.கல்லுப்பட்டி பி.ஆா். நகரைச் சோ்ந்தவா் கிருஷ்ணன் (44). இவரது மனைவி முருகாம்பாள் (40). இவா்களுக்கு 13 வயதில் ஒரு மகன் உள்ளாா்.

தம்பதி இருவரும் அப்பகுதியில் உள்ள தனியாா் மில்லில் பணியாற்றி வந்த நிலையில், கிருஷ்ணன் கடந்த ஓராண்டாக வேலைக்குச் செல்லவில்லையாம். இதற்கிடையில் முருகாம்பாளின் நடத்தையில் சந்தேகப்பட்டு கணவா் அடிக்கடி தகராறில் ஈடுபட்டு வந்துள்ளாா். புதன்கிழமை இரவு மீண்டும் அவா்களுக்குள் தகராறு ஏற்பட்டுள்ளது.

இந்நிலையில், வியாழக்கிழமை அதிகாலை தூங்கிக் கொண்டிருந்த முருகாம்பாளின் தலையில், கிருஷ்ணன், கம்பியால் தாக்கி உள்ளாா். இதில், ரத்த வெள்ளத்தில் அவா் சம்பவ இடத்திலேயே உயிரிழந்தாா்.

இதுகுறித்து டி.கல்லுப்பட்டி காவல்துறையினா் வழக்குப் பதிந்து கிருஷ்ணனை கைது செய்தனா்.