மதுரைக் கோட்டத்தில் இயக்கப்படும் சில ரயில்களின் நேரம் இன்று முதல் மாற்றம்

மதுரை கோட்டத்தில் இருந்து இயக்கப்படும் சில ரயில்களின் புறப்படும் நேரம் அக்டோபா் 1 முதல் மாற்றம் செய்யப்பட்டுள்ளதாக தெற்கு ரயில்வே அறிவித்துள்ளது.

திருநெல்வேலி - தூத்துக்குடி சிறப்பு ரயில் (06668) திருநெல்வேலியில் இருந்து காலை 7.35 மணிக்கு பதிலாக காலை 7.30 மணிக்கும், தூத்துக்குடி - மணியாச்சி சிறப்பு ரயில் (06671) தூத்துக்குடியில் இருந்து காலை 8.30 மணிக்கு பதிலாக காலை 8.25 மணிக்கும், மற்றொரு தூத்துக்குடி - மணியாச்சி சிறப்பு ரயில் (06847) தூத்துக்குடியில் இருந்து இரவு 10.45 மணிக்கு பதிலாக இரவு 10.10 மணிக்கும் புறப்படும்.

ராமேசுவரம் - புவனேஸ்வரம் விரைவு ரயில் (20895) ராமேசுவரத்தில் இருந்து காலை 8.50 மணிக்கு பதிலாக காலை 8.40 மணிக்கும், ராமேசுவரம் - திருப்பதி விரைவு ரயில் (16780) ராமேசுவரத்தில் இருந்து மாலை 4.30 மணிக்குப் பதிலாக மாலை 4.20 மணிக்கும், தஞ்சாவூா் வழியாக இயக்கப்படும் ராமேசுவரம் - சென்னை எழும்பூா் விரைவு ரயில் (16852) ராமேசுவரத்தில் இருந்து மாலை 5.25 மணிக்குப் பதிலாக மாலை 5.20 மணிக்கும், ராமேசுவரம் - மதுரை சிறப்பு ரயில் (06656) ராமேசுவரத்தில் இருந்து மாலை 6.05 மணிக்கு பதிலாக மாலை 6.00 மணிக்கும், திருச்சி வழியாக இயக்கப்படும் ராமேசுவரம் - கோயம்புத்தூா் விரைவு ரயில் (16617) ராமேசுவரத்தில் இருந்து இரவு 7.25 மணிக்கு பதிலாக இரவு 7.10 மணிக்கும், ராமேசுவரம் - சென்னை விரைவு ரயில் (22662) ராமேசுவரத்தில் இருந்து இரவு 8.25 மணிக்கு பதிலாக இரவு 8.20 மணிக்கும் புறப்படும்.