90's கிட்ஸ் பரிதாபம்: மதுரையில் சுவரொட்டிகள் மூலம் பெண் தேடும் இளைஞர்!
By DIN | Published On : 22nd June 2022 01:32 PM | Last Updated : 22nd June 2022 01:32 PM | அ+அ அ- |
மதுரை: மதுரையில் மணப்பெண் தேவை என சுவரொட்டிகள் மூலம் பெண் தேடும் வாலிபரின் செயல் 90s கிட்ஸ் மத்தியில் கலகத்தை ஏற்படுத்தியுள்ளது.
மதுரை: மதுரையில் உள்ள சுவர்களில் ஒட்டப்படும் அரசியல், சினிமா நடிகர்கள் குறித்தான சுவரொட்டிகள், பழிக்கு பழியாக வசனங்களில் திக்குமுக்காட வைக்கும் அளவிற்கு கிராபிக்ஸ் காட்சிகள் சித்தரிக்கப்படும் விளம்பர சுவரொட்டிகள் எப்போதும் பேசுபொருளாகி வருவது வழக்கம்.
இதையும் படிக்க: உலகளவில் கரோனாவால் பாதித்தோர் எண்ணிக்கை 54.57 கோடியாக அதிகரிப்பு!
இந்நிலையில் 90-களில் பிறந்த மதுரை வில்லாபுரம் அருகே மீனாட்சி நகரைச் சேர்ந்த 27 வயதுடைய ஜெகன் என்ற வாலிபர் ஒருவர் மாத வருமானமாக 40 ஆயிரம் சம்பாதிப்பதுடன் சொந்தமாக நிலமும் கொண்டிருந்த நிலையிலும் தனக்கு திருமணம் ஆகாத விரக்தியில், மதுரை மாநகர், புறநகர் மற்றும் திண்டுக்கல் மாவட்டம் உள்ளிட்ட பகுதிகளில் உள்ள சுவர்களில் மணமகள் தேவை என விளம்பர சுவரொட்டி அடித்து பெண் தேடும் படலத்தை துவக்கி உள்ளார்.
ஏற்கனவே 2K கிட்ஸ் திருமணம் முடித்து குழந்தைகளுடன் வலம் வருவதால், பல 90’s கிட்ஸ்க்களுக்கு திருமணம் ஆகாமல் இருந்து வரும் நிலையில், தற்போது நூதனமுறையில் மணமகள் தேவை என்று இந்த வாலிபர் செயல் 90’s கிட்ஸ் மத்தியில் கலகத்தை ஏற்படுத்தியுள்ளது.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
