வழக்குரைஞா்களின் நற்பெயா் குறைந்து வருவதை பாா் கவுன்சில் கவனத்தில் கொள்ள வேண்டும்

நாகா்கோவிலைச் சோ்ந்த ஒரு வழக்குரைஞா், சென்னை உயா்நீதிமன்ற மதுரைக் கிளையில் அண்மையில் ஒரு மனு தாக்கல் செய்தாா்.

இதில், நாகா்கோவில் பகுதியில் ஒரு மனமகிழ் மன்றம் நடத்தி பாலியல் சேவைகளை வழங்கும் தனக்கு காவல் துறை தொந்தரவிலிருந்து பாதுகாப்பு அளிக்க வேண்டும் என அவா் கோரியிருந்தாா்.

இந்த மனு உயா்நீதிமன்ற நீதிபதி புகழேந்தி முன் வெள்ளிக்கிழமை விசாரணைக்கு வந்தது. அப்போது நீதிபதி பிறப்பித்த உத்தரவு:

பாலியல் தொழிலுக்கு பாதுகாப்புக் கோரி ஒரு வழக்குரைஞா் நீதிமன்றத்தை நாடியிருப்பது வேதனையையும், ஆச்சரியத்தையும் அளிக்கிறது. தன் மீது பொய் வழக்குப் பதிவு செய்வதற்காக சிறுமி ஒருவரை போலீஸாா் தனது அறக்கட்டளைக்கு அனுப்பி, பொய்ப் புகாா் பெற்று தன் மீது வழக்குப் பதிவு செய்திருப்பதாக குறிப்பிட்டு, தனது மசாஜ் மையத்துக்கு பாதுகாப்பு கோரியுள்ளாா்.

மனுதாரா் தன்னை வழக்குரைஞராக அடையாளப்படுத்திக் கொண்டு, பாலியல் தொழிலுக்கு பாதுகாப்புக் கோருவது அதிா்ச்சி அளிக்கிறது. 10 வயது சிறுமியின் வறுமையை மனுதாரா் பயன்படுத்தி, அவரை விபசாரத்தில் ஈடுபடுத்தியுள்ளாா். வழக்குரைஞா் என்ற பெயரில் ஒருவா் இதுபோன்ற விஷயத்தை செய்தது மிகவும் துரதிருஷ்டவசமானது.

சமூகத்தில் வழக்குரைஞா்களின் நற்பெயா் குறைந்து வருவதை பாா் கவுன்சில் உணரும் தருணம் இது. இனிவரும் காலங்களில் பாா் கவுன்சிலில் பதிவு பெற வருவோரின் பின்புலத்தையும், தரத்தையும் உறுதி செய்ய வேண்டும். இந்த வழக்கை பொருத்தவரை மனுதாரரின் பதிவு, கல்வித் தகுதியைப் பாா் கவுன்சில் உறுதி செய்ய வேண்டும். மனுதாரா் மீதான வழக்கில் காவல் துறை விரைவாக இறுதி அறிக்கையைத் தயாரித்து விசாரணை நீதிமன்றத்தில் தாக்கல் செய்ய வேண்டும்.

இதனடிப்படையில், 5 மாதங்களில் விசாரணை நீதிமன்றம் வழக்கு விசாரணையை முடிக்க வேண்டும். மனுதாரருக்கு ரூ. 10 ஆயிரம் அபராதம் விதிக்கப்படுகிறது. இந்தத் தொகையை 4 வாரங்களுக்குள் கன்னியாகுமரி மாவட்ட சமூக நலத் துறை அலுவலரிடம் மனுதாரா் வழங்க வேண்டும். மனு தள்ளுபடி செய்யப்படுகிறது என்றாா் நீதிபதி.