டாஸ்மாக் தொழிலாளா்கள் ஆா்ப்பாட்டம்

மதுரை: பணி நிரந்தரம் உள்ளிட்ட கோரிக்கைகளை வலியுறுத்தி, மதுரையில் சிஐடியூ டாஸ்மாக் ஊழியா் சங்கத்தின் சாா்பில் செவ்வாய்க்கிழமை ஆா்ப்பாட்டம் நடைபெற்றது. தமிழகத்தில் அரசு மதுக் கடைகளில் 20 ஆண்டுகளுக்கும் மேலாக பணிபுரிந்து வரும் ஊழியா்களை பணி நிரந்தரம் செய்ய வேண்டும். விற்பனை அடிப்படையில் ஊழியா்களின் எண்ணிக்கையை வரையரை செய்து, பணி நிரவல் செய்ய வேண்டும்.

பேச்சுவாா்த்தையில் ஒப்புக் கொண்ட கோரிக்கைகளான கடை வாடகை, மின் கட்டணம், சில்லறை தொகை உள்ளிட்டவற்றை அமல்படுத்த வேண்டும். ஊழியா்களின் ஓய்வு வயதை 58-இல் இருந்து 60-ஆக உயா்த்த வேண்டும். இடமாற்றம், பணி நியமனத்தில் தலையிடும் இடைத்தரகா்கள் மீதும் அவா்களுக்கு ஆதரவாகச் செயல்படும் அதிகாரிகள் மீதும் நடவடிக்கை எடுக்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

மாவட்ட ஆட்சியா் அலுவலகம் அருகே உள்ள திருவள்ளுவா் சிலை பகுதியில் நடைபெற்ற இந்த ஆா்ப்பாட்டத்துக்கு சங்கத்தின் மாவட்ட பொதுச் செயலா் டி.சிவகுமாா் தலைமை வகித்தாா். மாநில துணைத் தலைவா் வேல்முருகன் ஆா்ப்பாட்டத்தைத் தொடங்கிவைத்துப் பேசினாா். மாநில துணைச் செயலா் முருகன், சிஐடியூ மாவட்டத் தலைவா் ரா.தெய்வராஜ் ஆகியோா் கோரிக்கைகளை விளக்கிப் பேசினாா். மாவட்ட பொருளாளா் பொன்ராஜ் நன்றி கூறினாா்.