இளைஞா் வெட்டிக் கொலை: 6 போ் கைது

மதுரையில், சமூக ஊடகங்களில் விடியோ பதிவிடுவதில் ஏற்பட்ட தகராறில் இளைஞா் வெட்டிக் கொல்லப்பட்டாா். இது தொடா்பாக போலீஸாா் 6 பேரை செவ்வாய்க்கிழமை கைது செய்து விசாரிக்கின்றனா்.

மதுரை ஜெய்ஹிந்த்புரம் ஜீவாநகா் 1-ஆவது தெரு பகுதியைச் சோ்ந்தவா் முருகன். இவா் அந்தப் பகுதியில் தேநீா்க் கடை நடத்தி வருகிறாா். இவரது மகன் சூா்யா (23). இவா் தந்தையின் தேநீா்க் கடையில் உதவியாக இருந்து வந்தாா். இந்த நிலையில், சமூக ஊடகங்களில் விடியோ பதிவிடுவது தொடா்பாக சூா்யாவின் நண்பா்களுக்கும், இதே பகுதியைச் சோ்ந்த பிரவீன் ராஜா, ராஜேஷ், ராஜா, ஜலாலுதீன், காா்த்திக், மற்றொரு காா்த்திக் ஆகியோருக்கும் இடையே முன்விரோதம் இருந்து வந்தது. மேலும் கடந்த 3 மாதங்களாக இரு தரப்பினரும் அடிக்கடி மோதிக் கொண்டனராம். இந்த நிலையில், திங்கள்கிழமை இரவு சூா்யா தனது தேநீா்க் கடைக்கு இரு சக்கர வாகனத்தில் சென்றபோது அங்கு வந்த பிரவீன் ராஜா, ராஜேஷ், ராஜா, ஜலாலுதீன், காா்த்திக், மற்றொரு காா்த்திக் ஆகியோா் அவரிடம் தகராறில் ஈடுபட்டனா்.

அப்போது அவா்கள் அரிவாள், வாள் உள்ளிட்ட ஆயுதங்களால், சூா்யாவை சரமாரியாக வெட்டி விட்டு தப்பிச் சென்றனா். இதில் பலத்த காயமடைந்த சூா்யாவை குடும்பத்தினா் மீட்டு மதுரை ராஜாஜி அரசு மருத்துவமனையில் அனுமதித்தனா். அங்கு அவா் செவ்வாய்க்கிழமை உயிரிழந்தாா்.

இதுகுறித்து ஜெய்ஹிந்துபுரம் போலீஸாா் கொலை வழக்குப் பதிந்து பிரவீன் ராஜா, ராஜேஷ், ராஜா உள்பட 6 பேரையும் கைது செய்து விசாரித்து வருகின்றனா்.