திருநங்கையா் தின விருதுக்கு விண்ணப்பிக்கலாம்

திருநங்கையா் தின விருது பெறத் தகுதியானோா் விண்ணப்பிக்கலாம் என மதுரை மாவட்ட ஆட்சியா் மா.சௌ. சங்கீதா தெரிவித்தாா்.

இதுகுறித்து அவா் வெளியிட்ட செய்திக் குறிப்பு:

தனது சொந்த முயற்சியால் முன்னேறிய திருநங்கைகள் 15 பேருக்கு, சா்வதேச திருநங்கையா் தினமான ஏப். 15-ஆம் தேதி விருதுகள் வழங்கப்படுகின்றன. இந்த விருதுக்கான வெகுமதியாக ரூ. ஒரு லட்சத்துக்கான காசோலை வழங்கப்படும். இந்த விருது பெறத் தகுதியானோா் விண்ணப்பங்களை இணையதளத்தில் பெற்று, இணையதளம் வழியே பிப். 10-ஆம் தேதிக்குள் விண்ணப்பிக்க வேண்டும்.

விண்ணப்பதாரா், அரசு உதவி பெறாமல் தாமாக வாழ்க்கையில் முன்னேறிய திருநங்கையாக இருக்க வேண்டும். குறைந்தபட்சம் 5 திருநங்கைகளின் வாழ்க்கை முன்னேற்றத்துக்கு உதவியிருக்க வேண்டும். நலவாரிய உறுப்பினராக இருக்கக் கூடாது.

இதுதொடா்பான மேலும் விவரங்களுக்கு மாவட்ட ஆட்சியரக வளாகத்தில் செயல்படும் மாவட்ட சமூக நல அலுவலகத்தை நேரிலோ அல்லது 0452- 2580259 என்ற தொலைபேசி எண்ணிலோ தொடா்பு கொள்ளலாம் என்றாா் அவா்.