கேரளம்: பெண்களுக்கான இலவசப் பேருந்து பயணத் திட்டம் ஜூன் 15-இல் தொடக்கம் - முதல்வர் சதீசன்பாரதிராஜாவுக்கு நாளை மாலை தேனியில் இறுதிச் சடங்கு!கேமராவுக்குள் மனித உணர்வுகளைப் படம்பிடித்த பாரதிராஜா!வலிமையான பெண் பாத்திரங்களை அமைத்த பாரதிராஜா!இறப்பு குறித்து என்ன சொல்லியிருந்தார் பாரதிராஜா? பாரதிராஜா உடலுக்கு நடிகர் ரஜினி அஞ்சலி! பாரதிராஜா உடலுக்கு அரசு மரியாதை! முதல்வர் விஜய் அறிவிப்புதமிழ் மக்களின் மனங்களில் என்றும் பாரதிராஜா வாழ்வார்! மு.க. ஸ்டாலின்பாரதிராஜா உடலுக்கு மு.க. ஸ்டாலின் அஞ்சலி! சிதம்பரம் அருகே தனியார் பள்ளி வாகனம் தீப்பிடித்தது! மாணவர்கள் தப்பினர்! பாரதிராஜா உடலுக்கு முதல்வர் விஜய் மரியாதை!இயக்குநர் பாரதிராஜா காலமானார்
/

மதுரை மீனாட்சி அரசு மகளிா் கல்லூரியில் இளநிலை படிப்புகளுக்கு விண்ணப்பிக்கலாம்

மதுரை மீனாட்சி அரசு மகளிா் கல்லூரியில் இளநிலைப் பட்டப் படிப்புகளுக்கு இணையதளம் மூலம் மாணவிகள் விண்ணப்பிக்கலாம் எனத் தெரிவிக்கப்பட்டது.

News image

விண்ணப்பம்

Updated On :13 மே 2026, 3:25 am IST

மதுரை மீனாட்சி அரசு மகளிா் கல்லூரியில் இளநிலைப் பட்டப் படிப்புகளுக்கு இணையதளம் மூலம் மாணவிகள் விண்ணப்பிக்கலாம் எனத் தெரிவிக்கப்பட்டது.

இதுகுறித்து கல்லூரியின் முதல்வா் சூ. வானதி வெளியிட்ட செய்திக் குறிப்பு:

மதுரை மீனாட்சி அரசு மகளிா் கல்லூரியில் தமிழ், ஆங்கிலம், வரலாறு, பொருளாதாரம், வணிகவியல், வணிக நிா்வாகவியல், கணிதம், இயற்பியல், வேதியியல், தாவரவியல், விலங்கியல், புவியியல்,

மனையியல், கணினி அறிவியல், கணினி பயன்பாட்டியியல் ஆகிய பாடப்பிரிவுகள் உள்ளன.

தமிழ், ஆங்கிலம் ஆகிய இரு வழிகளிலும் முற்பகல், பிற்பகல் ஆகிய இரு சுழற்சி முறைகளிலும் 1,300 மாணவிகளுக்கு இட ஒதுக்கீடு அடிப்படையில் சோ்க்கை நடைபெறுகிறது. இந்த நிலையில், 2026-27- ஆம் ஆண்டுக்கான இளநிலை பட்டப்படிப்பு முதலாமாண்டு மாணவா் சோ்க்கைக்கான விண்ணப்பங்கள் கடந்த 7-ஆம் தேதி முதல் இணையதளம் மூலம் பெறப்படுகின்றன.

விண்ணப்பிக்க விரும்பும் மாணவிகள் உரிய ஆவணங்களுடன் வருகிற 29- ஆம் தேதி வரை இணையதளம் மூலம் விண்ணப்பிக்கலாம். பொதுப் பிரிவினா் எனில் விண்ணப்பக் கட்டணமாக ரூ. 50 செலுத்த வேண்டும். எஸ்.சி., எஸ்.டி. பிரிவினருக்கு விண்ணப்பக் கட்டணம் கிடையாது. மாணவிகளின் சோ்க்கை தொடா்பான விவரங்கள் குறுஞ்செய்தி, மின்னஞ்சல் வழியாகத் தெரிவிக்கப்படும். மாணவிகளின் நலன் கருதி கல்லூரி வளாகத்தில் மாணவிகள் சோ்க்கை தொடா்பாக ஆலோசனை மையம் செயல்படுகிறது. கூடுதல் விவரங்கள் ஏதும் அறிய வேண்டுமெனில் ஆலோசனை மையத்தை அணுகிப் பயன்பெறலாம் என்றாா் அவா்.