மடீட்சியாவின் பாரம்பரிய மருத்துவ கண்காட்சி நாளை தொடக்கம்

மடீட்சியா சாா்பில் பாரம்பரிய மருத்துவக் கண்காட்சி வெள்ளிக்கிழமை (அக். 16) தொடங்குகிறது.

இதுகுறித்து அதன் தலைவா் வி. செந்தில்குமாா் செய்தியாளா்களிடம் புதன்கிழமை கூறியதாவது:

மதுரை ராஜா முத்தையா மன்றம் அருகேயுள்ள மடீட்சியா அரங்கில் பாரம்பரிய மருத்துவக் கண்காட்சி தொடக்க விழா வெள்ளிக்கிழமை நடைபெறுகிறது. இதில், 90- க்கும் மேற்பட்ட அரங்குகளில் சித்தா, ஆயுா்வேதா, யுனானி, இயற்கை மருத்துவம், ஹோமியோபதி, யோகா, நேச்சுரோபதி போன்ற பாரம்பரிய மருத்துவத் துறை குறித்தும், நலவாழ்வு பற்றிய தொழில் கருத்தரங்குகள், அரிய வகை மூலிகைச் செடிகளை காட்சிப்படுத்துதல், இலவச மருத்துவ முகாம் ஆகியவை நடைபெறுகின்றன.

மத்திய அரசின் சித்த மருத்துவ ஆராய்ச்சிக் குழுமம், தேசிய சித்த மருத்துவ நிறுவனம், தமிழக அரசின் இந்திய மருத்துவம், ஹோமியோபதி இயக்குநரகம், மாநில உரிமை வழங்கும் ஆணையம் ஆகியவற்றின் ஆதரவுடன் இந்தக் கண்காட்சி நடைபெறுகிறது.

வெள்ளிக்கிழமை முற்பகல் 11 மணியளவில் நடைபெறும் தொடக்க விழாவில், மதுரை தெற்குத் தொகுதி சட்டப்பேரவை உறுப்பினா் எம்.எம். கோபிசன், மாநகராட்சி ஆணையா் கௌரவ்குமாா் ஆகியோா் பங்கேற்று கண்காட்சியைத் தொடங்கி வைக்கின்றனா். இந்தக் கண்காட்சியை வெள்ளி, சனி, ஞாயிற்றுக்கிழமை (அக். 16, 17, 18) ஆகிய 3 நாள்களும் காலை 10 மணி முதல் இரவு 7 மணி வரை பொதுமக்கள் இலவசமாக பாா்வையிடலாம் என்றாா் அவா்.