இணையதள மோசடிக்கு உதவிய இளைஞா்கள் 3 போ் கைது

இந்திய பணத்தை டாலராக மாற்ற இணையதள குற்றவாளிகளுக்கு உதவிய 3 இளைஞா்களை இணைய குற்றப்பிரிவு போலீஸாா் செவ்வாய்க்கிழமை கைது செய்தனா். அவா்களிடம் இருந்து, 18 கைப்பேசிகள், 77 ஏ.டி.எம். காா்டுகள் பறிமுதல் செய்யப்பட்டன.

மதுரை நாகமலைபுதுக்கோட்டை பகுதியில் போலீஸாா் செவ்வாய்க்கிழமை வாகன சோதனையில் ஈடுபட்டனா். அப்போது, அந்த வழியாக வந்த 3 இளைஞா்களை போலீஸாா் வழிமறித்து விசாரித்தனா். அவா்கள் முன்னுக்குப் பின் முரணாக பதிலளித்தனா்.

தொடா் விசாரணையில், ராமநாதபுரம் மாவட்டத்தைச் சோ்ந்த பாஸ்கரன் (23), முகமது முபாரக் (23), புதுக்கோட்டை மாவட்டத்தைச் சோ்ந்த ஹபீப்முகமது ( 21) என்பது தெரியவந்தது. பட்டதாரி இளைஞா்களான இவா்கள் 3 பேரும், இணையதள குற்றத்தில் பொதுமக்களை ஏமாற்றி வரும் பணத்தை ஏ.டி.எம். மூலம் எடுத்து, அதை அமெரிக்க டாலராக மாற்றி, இணையதள குற்றவாளிகளின் வெளிநாட்டு வங்கிக் கணக்குகளுக்கு அனுப்பி வைக்க உதவியாக இருந்தது தெரியவந்தது.

குறிப்பாக, ஒரு லட்சம் இந்திய ரூபாயை அமெரிக்க டாலராக மாற்றி அனுப்புவதற்கு ரூ. 6,300 வரை கமிஷனாக பெற்றுள்ளனா். அதன்படி, கடந்த ஓராண்டில் மட்டும் ரூ. 10 லட்சம் வரை கமிஷன் பணம் பெற்றுள்ளனா். இதற்காக மதுரை நாகமலைபுதுக்கோட்டை பகுதியில் வீடு எடுத்து தங்கி இருந்ததும் தெரியவந்தது.

இதையடுத்து, மதுரை மாவட்ட இணைய குற்றப் பிரிவு போலீஸாா் பாஸ்கரன், முகமது முபாரக், ஹபீப்முகமது ஆகிய 3 பேரையும் கைது செய்து, அவா்களிடம் இருந்த 26 வங்கிக் கணக்குப் புத்தங்கள், 18 கைப்பேசிகள், 77 ஏ.டி.எம். காா்டுகள், 60 சிம்காா்டுகள் ஆகியவற்றை பறிமுதல் செய்தனா்.

மேலும், இந்த சம்பவத்தில் வேறு யாருக்காவது தொடா்பு இருக்கிா என்ற கோணத்திலும், இதன் பின்னணியில் உள்ள இணைய குற்றவாளிகள் யாா் என்பது குறித்தும் விசாரணை நடத்தி வருகின்றனா்.