திருவாடானை அருகே தேசிய நெடுஞ்சாலையை சீரமைக்க கோரிக்கை

திருச்சி-ராமேசுவரம் தேசிய நெடுஞ்சாலையில் சி.கே.மங்கலம் பகுதியில்  குண்டும் குழியுமாக உள்ள சாலையை சீரமைக்க பொதுமக்கள் கோரிக்கை விடுத்துள்ளனர்.

ராமநாதபுரம் மாவட்டம், திருவாடானை பகுதியில் ஆர்.எஸ்.மங்கலம் முதல் திருப்பாலைக்குடி வரை திருச்சி-ராமேசுவரம் தேசிய நெடுஞ்சாலை உள்ளது. இதில் தினசரி நூற்றுக்கணக்கான பேருந்துகள் சுற்றுலா வாகனங்கள், சரக்கு வாகனங்கள்  வந்து செல்கின்றன.

  தற்போது தேசிய நெடுஞ்சாலை எவ்வித பாரமரிப்பும் இன்றி குண்டும், குழியுமாக இருப்பதால் வாகன விபத்துகள் அடிக்கடி ஏற்பட்டு உயிரிழப்பும் நேரிடுகிறது. இவ்வழியாக  ராமேசுவரம், ஏர்வாடி செல்லும் வெளி மாநில வாகனங்கள் பழுதாவதால் சுற்றுலா பயணிகள், பக்தர்கள் அவதிக்குள்ளாகின்றனர். எனவே தேசிய நெடுஞ்சாலையை சீரமைக்க பொதுப்பணித்துறையினர் நடவடிக்கை எடுக்கவேண்டும் என்பது இப்பகுதி மக்களின் கோரிக்கை.