கமுதி அருகே வடமாடு மஞ்சுவிரட்டு

கமுதி அருகே உள்ள கோவிலாங்குளம் அழகு வள்ளியம்மன் கோயில் 10-ஆம் ஆண்டு  ஆடி பொங்கல் திருவிழாவை முன்னிட்டு ஞாயிற்றுக்கிழமை வடமாடு மஞ்சுவிரட்டு போட்டி நடைபெற்றது.
 இதில் மதுரை, அலங்காநல்லூர், பாலமேடு, திருச்சி, சிவகங்கை, தேனி, திண்டுக்கல் உள்ளிட்ட பல்வேறு மாவட்டங்களில் இருந்து நூற்றுக்கும் மேற்பட்ட மாடுபிடி வீரர்கள் பங்கேற்றனர்.
 அவர்கள் மருத்துவ பரிசோதனைக்குப் பின் காளைகளை  அடக்க அனுமதிக்கப்பட்டனர். போட்டியில் காளைகளை அடக்கிய வீரர்களுக்கும், பிடிபடாத காளைகளின் உரிமையாளர்களுக்கும் ரொக்கம், பித்தளை அண்டா, குத்துவிளக்கு உள்ளிட்ட பல்வேறு பரிசுகள் வழங்கப்பட்டன. இப்போட்டியை கோவிலாங்குளம், கமுதி, சாயல்குடி, பெருநாழி, முதுகுளத்தூர், கடலாடி உள்ளிட்ட சுற்று வட்டார பகுதிகளில் இருந்து ஆயிரத்துக்கும் மேற்பட்டோர் கண்டு ரசித்தனர்.