பார்த்திபனூர் பள்ளிவாசலில் தகராறு செய்தவர் கைது

பார்த்திபனூர் பள்ளிவாசலில் திங்கள்கிழமை தகராறு செய்தவரை போலீஸார் கைது செய்தனர்.
 பார்த்திபனூர் பள்ளிவாசல் தெருவைச் சேர்ந்தவர் செயின் அலாவுதீன்(57). பள்ளிவாசலில் தொழுகை கூட்டம் நடந்து கொண்டிருந்தது. அப்போது, அங்கு வந்த அதே ஊரைச் சேர்ந்த நாகூர்கனியை(60) இவர் தகாத வார்த்தைகளால்  பேசி, தகராறு செய்து, மிரட்டல் விடுத்ததாகக் கூறப்படுகிறது.  இதுகுறித்து நாகூர்கனி அளித்த புகாரின் பேரில்  பார்த்திபனூர் போலீஸார் வழக்குப் பதிந்து செயின்அலாவுதினை கைது செய்தனர்.