திருவாடானையில் மதுக்குட ஊர்வலம்

திருவாடானையில் மாகாலிங்கமூர்த்தி கோயில் ஆடித் திருவிழாவில் செவ்வாய்க்கிழமை பக்தர்கள் மதுக்குடம் ஏந்தி ஊர்வலமாகச் சென்று நேர்த்திக் கடன் செலுத்தினர்.
திருவாடானையில் மணிமுத்தாறு ஆற்றங்கரையில் அமைந்துள்ள இக்கோயிலில் கடந்த 3 ஆம் தேதி காப்பு கட்டுதலுடன் விழா தொடங்கியது. இதில்,  5 ஆம் நாள் நாள் நிகழ்வாக செவ்வாய்க்கிழமை  பக்தர்கள் மதுக்குடம் ஏந்தி வீதி உலா வந்து நேர்த்திக் கடன் செலுத்தினர். விழாவின் முக்கிய நிகழ்ச்சியாக 10 ஆம் தேதி பூக்குழி திருவிழா நடைபெறும். இதில் சுற்று வட்டாரத்தில் இருந்து ஆயிரக்கணக்கான மக்கள் கலந்து கொண்டு சுவாமி தரிசனம் செய்வார்கள்.