ஆடி அமாவாசை திருவிழா: மதுரை-ராமேசுவரத்துக்கு நாளை சிறப்பு ரயில்: தெற்கு ரயில்வே அறிவிப்பு

ஆடி அமாவாசையை முன்னிட்டு மதுரை-ராமேசுவரம் இடையே முன்பதிவில்லா சிறப்பு ரயில் இயக்கப்படும் என்று தெற்கு ரயில்வே அறிவித்துள்ளது.
இதுதொடர்பாக தெற்கு ரயில்வே வெளியிட்ட செய்திக்குறிப்பு: 
ராமேசுவரம் ஸ்ரீ ராமநாதசுவாமி திருக்கோயிலின் ஆடி அமாவாசை திருவிழாவை முன்னிட்டு முன்பதிவில்லா சிறப்பு ரயிலை இயக்க தெற்கு ரயில்வே முடிவு செய்துள்ளது. 
இந்த ரயில் வெள்ளிக்கிழமை (ஆக.10) இரவு 10.40 மணிக்கு மதுரை ரயில் நிலையத்தில் இருந்து புறப்பட்டு சிலைமான், திருப்புவனம், பரமக்குடி, ராமநாதபுரம், உச்சிப்புளி, மண்டபம், பாம்பன் வழியாக  நள்ளிரவு 2 மணிக்கு ராமேசுவரம் சென்றடையும். 
மற்றொரு ரயில் ராமேசுவரத்தில் இருந்து வெள்ளிக்கிழமை (ஆக. 10) இரவு 11 மணிக்குப் புறப்பட்டு மதுரைக்கு நள்ளிரவு 2.15 மணிக்கு வந்தடையும் என்று அறிவிக்கப்படுகிறது.