ராமநாதபுரத்தில் ஆக.26 இல் பாரதியார் நினைவு தினப் போட்டிகள்

ராமநாதபுரம் தமிழ்ச்சங்கத்தின் சார்பில் பாரதியார் நினைவு தின போட்டிகள் இம்மாதம் 26 ஆம் தேதி ஞாயிற்றுக்கிழமை பாரதிநகர் கலைவாணி மெட்ரிக்குலேஷன் பள்ளியில் நடைபெறுகிறது.
இது குறித்து தமிழ்ச் சங்கத்தின் தலைவர் மை.அப்துல்சலாம் வெளியிட்டுள்ள செய்திக்குறிப்பு: தமிழ்ச்சங்கத்தின் சார்பில் ஆண்டு தோறும் மகாகவி பாரதி நினைவு தினம் கொண்டாடப்பட்டு வருகிறது.  இந்த ஆண்டு செப்டம்பர் 16 ஆம் தேதி பாரதி நினைவு தினம் நடைபெறுகிறது. அன்றைய தினம் மாறுவேடம், பாடல், கவிதை, பேச்சு உள்ளிட்ட பல்வேறு போட்டிகளும் நடத்தப்பட்டு பரிசுகளும் வழங்கப்பட உள்ளன. இதற்கான போட்டிகள் ராமநாதபுரம் பாரதிநகர் கலைவாணி மெட்ரிக். பள்ளியில் ஆகஸ்ட் 26 ஆம் தேதி (ஞாயிற்றுக்கிழமை) நடைபெறவுள்ளது.
ஒவ்வொரு போட்டியிலும் கலந்து கொள்ள ஒவ்வொரு பள்ளி, கல்லூரியிலிருந்து இரு மாணவர்களை அல்லது மாணவியரை சம்பந்தப்பட்ட பள்ளிகளின் தலைமை ஆசிரியர்கள் அனுப்பி வைக்கலாம். போட்டியாளர்களின் பெயர்ப் பட்டியலை இம்மாதம் 24 ஆம் தேதிக்குள் பொன்.சந்திரசேகரன்,செயலாளர், தமிழ்ச்சங்கம், அன்னை கண் மருத்துவமனை வளாகம்,  69,அரசு மருத்துவமனை சாலை,ராமநாதபுரம் என்ற முகவரிக்கு அனுப்பி வைக்க வேண்டும் எனவும் அதில் தெரிவிக்கப்பட்டுள்ளது.