கமுதி குடியிருப்பு பகுதிகளில் மின் வயர்கள் சீரமைப்பு

கமுதியில் உள்ள குடியிருப்பு பகுதிகளில் தாழ்வாக செல்லும் மின் வயர்களை சீரமைக்கும் பணியில் மின்வாரிய ஊழியர்கள் புதன்கிழமை ஈடுபட்டனர்.
 கமுதி கண்ணார்பட்டி, எட்டுக்கண்பாலம்  உள்ளிட்ட பகுதிகளில் தெருக்கள், சாலையோரங்கள் மற்றும் அலுவலகங்களுக்கு சாலையின் குறுக்கே வழங்கப்பட்டுள்ள மின் இணைப்புகள் மிகவும் தாழ்வாக செல்வதாகவும், மின் கம்பங்கள் சாய்ந்து விழும் அபாயத்தில் இருப்பதாகவும், அப்பகுதி பொதுமக்கள் கமுதி மின்வாரிய அலுவலகத்தில் புகார் அளித்தனர். 
இதனைத் தொடர்ந்து கமுதி மின்வாரிய ஊழியர்கள் தாழ்வாக செல்லும் மின் ஒயர்கள், சேதமடைந்த மின் கம்பங்களை சீரமைக்கும் பணியில் ஈடுபட்டனர்.